Sanskrit

Aitareya Brahmana · Adhyaya 3 7.3.4

7.3.4

तद् आहुर्यस्याग्निहोत्र्य् उपावसृष्टा दुह्यमाना स्यन्देत का तत्र प्रायश्चित्तिर् इति सा यत्तत्र स्कन्दयेत्तद् अभिमृश्य जपेद्यद् अद्य दुग्धम्पृथिवीम् असृप्त यद् ओषधीर् अत्यसृपद्यद् आपः पयो गृहेषु पयो अघ्न्यायाम्पयो वत्सेषु पयो अस्तु तन्मयीति तत्र यत्परिशिष्टं स्यात्तेन जुहुयाद्यद्य् अलं होमाय स्याद्यद्य् उ वै सर्वं सिक्तं स्याद् अथान्याम् आहूय तां दुग्ध्वा तेन जुहुयाद् आ त्व् एव श्रद्धायै होतव्यं सा तत्र प्रायश्चित्तिः

Transliteration

tad āhuryasyāgnihotry upāvasṛṣṭā duhyamānā syandeta kā tatra prāyaścittir iti sā yattatra skandayettad abhimṛśya japedyad adya dugdhampṛthivīm asṛpta yad oṣadhīr atyasṛpadyad āpaḥ payo gṛheṣu payo aghnyāyāmpayo vatseṣu payo astu tanmayīti tatra yatpariśiṣṭaṃ syāttena juhuyādyady alaṃ homāya syādyady u vai sarvaṃ siktaṃ syād athānyām āhūya tāṃ dugdhvā tena juhuyād ā tv eva śraddhāyai hotavyaṃ sā tatra prāyaścittiḥ

By System Admin

Translation

Draft in progress