Aitareya Brahmana · Adhyaya 31 2.31.4
2.31.4ते वै देवा विजितिनो मन्यमाना यज्ञम् अतन्वत
तम् एषाम् असुरा अभ्यायन्यज्ञवेशसम् एषां करिष्याम इति
तान्समन्तम् एवोदारान्परियत्तान् उदपश्यन्
ते ऽब्रुवन्संस्थापयामेमं यज्ञम्
यज्ञं नो ऽसुरा मा वधिषुर् इति
तथेति
तं तूष्णींशंसे संस्थापयन्
भूर् अग्निर्ज्योतिर्ज्योतिर् अग्निर् इत्य् आज्यप्रौगे संस्थापयन्
इन्द्रो ज्योतिर्भुवो ज्योतिर् इन्द्र इति निष्केवल्यमरुत्वतीये संस्थापयन्
सूर्यो ज्योतिर्ज्योतिः स्वः सूर्य इति वैश्वदेवाग्निमारुते संस्थापयन्
तम् एवं तूष्णींशंसे संस्थापयन्
तम् एवं तूष्णींशंसे संस्थाप्य तेनारिष्टेनोदृचम् आश्नुवत
Transliteration
te vai devā vijitino manyamānā yajñam atanvata
tam eṣām asurā abhyāyanyajñaveśasam eṣāṃ kariṣyāma iti
tānsamantam evodārānpariyattān udapaśyan
te 'bruvansaṃsthāpayāmemaṃ yajñam
yajñaṃ no 'surā mā vadhiṣur iti
tatheti
taṃ tūṣṇīṃśaṃse saṃsthāpayan
bhūr agnirjyotirjyotir agnir ity ājyaprauge saṃsthāpayan
indro jyotirbhuvo jyotir indra iti niṣkevalyamarutvatīye saṃsthāpayan
sūryo jyotirjyotiḥ svaḥ sūrya iti vaiśvadevāgnimārute saṃsthāpayan
tam evaṃ tūṣṇīṃśaṃse saṃsthāpayan
tam evaṃ tūṣṇīṃśaṃse saṃsthāpya tenāriṣṭenodṛcam āśnuvata
By System Admin
Translation
Draft in progress