14 shlokas
- 1
ग्रीवाः
grīvāḥ
- 2
यस्येदम् आरजस्तुजो युजो वनं सहः
इन्द्रस्य रन्त्यं बृहत्
yasyedam ārajastujo yujo vanaṃ sahaḥ
indrasya rantyaṃ bṛhat
- 3
नाधृष आ दधर्ष दाधृषाणं धृषितं शवः
पुरा यद् ईम् अति व्यथिर् इन्द्रस्य धृषितं सहः
nādhṛṣa ā dadharṣa dādhṛṣāṇaṃ dhṛṣitaṃ śavaḥ
purā yad īm ati vyathir indrasya dhṛṣitaṃ sahaḥ
- 4
स नो ददातु तं रयिं रयिम्पिशङ्गसंदृशम्
इन्द्रः पतिस्तवस्तमो जनेष्व् आ
sa no dadātu taṃ rayiṃ rayimpiśaṅgasaṃdṛśam
indraḥ patistavastamo janeṣv ā
- 5
सूददोहाः
sūdadohāḥ
- 6
शिरो गायत्रम् इन्द्रम् इद्गाथिनो बृहद् इति
śiro gāyatram indram idgāthino bṛhad iti
- 7
अन्यासु चेत्समाम्नातासु स्तुवीरन्न् उभया संस्थानविपर्ययो ऽसमाम्नातासु चेत्स्तुवीरन्मिश्रासु च
anyāsu cetsamāmnātāsu stuvīrann ubhayā saṃsthānaviparyayo 'samāmnātāsu cetstuvīranmiśrāsu ca
- 8
सूक्तस्योत्तमां सूददोहाः
sūktasyottamāṃ sūdadohāḥ
- 9
विजवः
vijavaḥ
- 10
सुतस्ते सोम उप याहि यज्ञं मत्स्वा मदं पुरुवारं मघाय
मंहिष्ठ इन्द्र विजरो गृणध्यै
sutaste soma upa yāhi yajñaṃ matsvā madaṃ puruvāraṃ maghāya
maṃhiṣṭha indra vijaro gṛṇadhyai
- 11
स साहतुर्वृत्रहत्येषु शत्रून् ऋभुर्विगाह एषः
स नो नेतारं महयाम इन्द्रम्
sa sāhaturvṛtrahatyeṣu śatrūn ṛbhurvigāha eṣaḥ
sa no netāraṃ mahayāma indram
- 12
इनो वसुः सम् अजः पर्वतेष्ठाः प्रति वाम् ऋजीषी
इन्द्रः शश्वद्भिर्जोहूत्र एवैः
ino vasuḥ sam ajaḥ parvateṣṭhāḥ prati vām ṛjīṣī
indraḥ śaśvadbhirjohūtra evaiḥ
- 13
सूददोहाः
sūdadohāḥ
- 14
इत्य् एतत्त्रयं ग्रीवाः शिरो विजवः सर्वम् अर्धर्च्यम्
ity etattrayaṃ grīvāḥ śiro vijavaḥ sarvam ardharcyam

