54 โศลก
कृष्ण जनार्दन कृष्ण जनार्दन कृष्ण जनार्दन कृष्ण हरे ।
2अव्यय माधव अन्तविवर्जित अब्धिसुताप्रिय कान्त हरे ।
3आशरनाशन आदिविवर्जित आत्मज्ञानद नाथ हरे ।
4इन्द्रमुखामरबृन्दसमर्चितपादसरोरुहयुग्म हरे।
5ईश्वरसन्नुत ईतिभयापह राक्षसनाशनदक्ष हरे।
6उन्नतमानस उच्चपदप्रद उज्ज्वलविग्रह देव हरे ।
7ऊर्जोनाशितशात्रवसञ्चय जलधरगर्जितकण्ठ हरे ।
8ऋषिजनसन्नुत दिव्यकथामृत भव्यगुणोज्ज्वल चित्तहरे ।
9ऋकारप्रिय ऋक्षगणेश्वरवन्दितपादपयोज हरे ।
10ऌतकसमर्चित काङ्क्षितदायक कुक्षिगताखिललोकहरे ।
11ॡवल्लोकाचारसमीरित रूपविवर्जित नित्य हरे ।
12एकमनोमुनिमानसगोचर गोकुलपालक वेषहरे ।
13ऐरावतकरसन्निभदोर्बल निर्जितदानवसैन्यहरे ।
14ओङ्काराम्बुज वनकलहंसक कलिमलनाशन नामहरे ।
15औन्नत्याश्रय संश्रितपालक पाकनिबर्हणसहजहरे ।
16अङ्गदसेवित भङ्गविवर्जित सङ्गविवर्जित सेव्य हरे ।
17अस्तगिरिस्थितभास्करलोहितचरणसरोजतलाढ्यहरे ।
18कमलावल्लभ कमलविलोचन कमलविभाहरपाद हरे ।
19खरमुखदानवसैनिकखण्डन खेचरकीर्तित कीर्तिहरे ।
20गणपतिसेवित गुणगणसागर वरगतिनिर्जित नागहरे ।
21घटिकापर्वतवासि नृकेसरि वेषविनाशितदोषहरे ।
22ङः प्रत्येकं न यथा वाक्ये नाथ तथा ते चित्ते क्रोधः ।
23चपलाभासुरमेघनिभप्रभ कमलाभासुरवक्ष हरे ।
24छलयुतदूरचलाचललोचन गोपवधूहृदयेश हरे ।
25जगतीवल्लभरूपपरात्पर सर्वजगज्जनपूज्य हरे ।
26झङ्कारध्वनिकारिमधुव्रतमञ्जुलकेशकलाप हरे ।
27ञाक्षरयुतजाधात्वर्थे परिनिष्ठित नैष्ठिकगम्य हरे ।
28टङ्कारध्वनिकारिधनुर्धरशातशराहतदैत्य हरे ।
29ठमिति मनुं वा समिति मनुं वा जपतां सिद्धिद नाथ हरे ।
30डमरुकरेश्वरपूजितनिर्जितरावणदानव राम हरे ।
31ढक्कावाद्यप्रिय भयवारण विनयविवर्जितदूर हरे ।
32णटधात्वर्थे पण्डितमण्डितसकलावयवोद्भासि हरे ।
33तत्त्वमसीति व्याहृतिवाच्यप्राच्यधिनायकपूज्य हरे ।
34थूत्कारानिलवेगनभोगतसप्तसमुद्रवराह हरे ।
35दयितालिङ्गितवक्षोभासुर भूसुरपूजितपाद हरे ।
36धरणीतनयाजीवितनायक वालिनिबर्हण राम हरे ।
37नारायण माधव केशव गोपालक हे गोविन्द हरे ।
38परमेश्वर वरपक्षिकुलेश्वरवाहन मोहनरूप हरे ।
39फालविलोचन पङ्कजसम्भव कीर्तितसद्गुणजाल हरे ।
40बलरिपुपूजित बलजितदानव बलदेवानुज बाल हरे ।
41भवभयनाशन भक्तजनप्रिय भूभरनाशनकारि हरे ।
42मायामोहितसकलजगज्जनमारिचासुरमथन हरे ।
43यमुनातटिनीवरतटविहरण यक्षगणेश्वरवन्द्य हरे ।
44रामरमेश्वर रावणमर्दन रतिललनाधव तात हरे ।
45लक्ष्मणसेवित मङ्गललक्षणलक्षित शिक्षितदुष्ट हरे ।
46वालिविनाशन वारिधिबन्धन वनचरसेवितपाद हरे ।
47शङ्करकीर्त्तित निजनामामृतशत्रुनिबर्हणबाणहरे ।
48षड्गुणमण्डित षड्दोषापह दोषाचरकुलकाल हरे ।
49सदय सदाशिवपूजितपादुक हृदयविराजित दयित हरे ।
50हस्तचतुष्टयभासुरनन्दक शङ्खगदारथचरण हरे ।
51ळुबुळुबुनिःस्वनमज्जितमन्दरपर्वतधारणकूर्म हरे ।
52क्षयितनिशाटक्षान्तिगुणाढ्य क्षेत्रज्ञात्मक देव हरे ।
53गणपतिपण्डितरचितं स्तोत्रं कृष्णस्येदं जयतु धरण्याम् ।
54कृष्ण जनार्दन कृष्ण जनार्दन कृष्ण जनार्दन कृष्ण हरे ।

