9 shlokas
- 1
वृषदंशविपाकोदयः स्वव्यञ्जकाञ्जनाभिव्यक्तः
vṛṣadaṃśavipākodayaḥ svavyañjakāñjanābhivyaktaḥ
- 2
स यदि जातिशतेन वा दूरदेशतया वा कल्पशतेन वा व्यवहितः पुनश्च स्वव्यञ्जकाञ्जन एवोदियाद्द्राग् इत्य् एवं पूर्वानुभूतवृषदंशविपाकाभिसंस्कृता वासना उपादाय व्यज्येत
sa yadi jātiśatena vā dūradeśatayā vā kalpaśatena vā vyavahitaḥ punaśca svavyañjakāñjana evodiyāddrāg ity evaṃ pūrvānubhūtavṛṣadaṃśavipākābhisaṃskṛtā vāsanā upādāya vyajyeta
- 3
कस्मात्
kasmāt
- 4
यतो व्यवहितानाम् अप्यासां सदृशं कर्माभिव्यञ्जकं निमित्तीभूतम् इत्य् आनन्तर्यम् एव
yato vyavahitānām apyāsāṃ sadṛśaṃ karmābhivyañjakaṃ nimittībhūtam ity ānantaryam eva
- 5
कुतश्च
kutaśca
- 6
स्मृतिसंस्कारयोर् एकरूपत्वात्
smṛtisaṃskārayor ekarūpatvāt
- 7
यथानुभवास्तथा संस्काराः
yathānubhavāstathā saṃskārāḥ
- 8
ते च कर्मवासनानुरूपाः यथा च वासनास्तथा स्मृतिर् इति जातिदेशकालव्यवहितेभ्यः संस्कारेभ्यः स्मृतिः स्मृतेश्च पुनः संस्काराः इत्य् एवम् एते स्मृतिसंस्काराः कर्माशयवृत्तिलाभवशाद्व्यज्यन्ते
te ca karmavāsanānurūpāḥ yathā ca vāsanāstathā smṛtir iti jātideśakālavyavahitebhyaḥ saṃskārebhyaḥ smṛtiḥ smṛteśca punaḥ saṃskārāḥ ity evam ete smṛtisaṃskārāḥ karmāśayavṛttilābhavaśādvyajyante
- 9
अतश्च व्यवहितानाम् अपि निमित्तनैमित्तिकभावानुच्छेदाद् आनन्तर्यम् एव सिद्धम् इति
ataśca vyavahitānām api nimittanaimittikabhāvānucchedād ānantaryam eva siddham iti

