12 shlokas
- 1
भविष्यद्व्यक्तिकम् अनागतम् अनुभूतव्यक्तिकम् अतीतम्स्वव्यापारोपरूढं वर्तमानम्
bhaviṣyadvyaktikam anāgatam anubhūtavyaktikam atītamsvavyāpāroparūḍhaṃ vartamānam
- 2
त्रयं चैतद्वस्तु ज्ञानस्य ज्ञेयम्
trayaṃ caitadvastu jñānasya jñeyam
- 3
यदि चैतत्स्वरूपतो नाभविष्यन्नेदं निर्विषयं ज्ञानम् उदपत्स्यत तस्माद् अतीतानागतं स्वरूपतो ऽस्तीति
yadi caitatsvarūpato nābhaviṣyannedaṃ nirviṣayaṃ jñānam udapatsyata tasmād atītānāgataṃ svarūpato 'stīti
- 4
किंच भोगभागीयस्य वापवर्गभागीयस्य वा कर्मणः फलम् उत्पित्सु यदि निरुपाख्यम् इति तद् उद्देशेन तेन निमित्तेन कुशलानुष्ठानं न युज्यते
kiṃca bhogabhāgīyasya vāpavargabhāgīyasya vā karmaṇaḥ phalam utpitsu yadi nirupākhyam iti tad uddeśena tena nimittena kuśalānuṣṭhānaṃ na yujyate
- 5
सतश्च फलस्य निमित्तं वर्तमानीकरणे समर्थं नापूर्वोपजनने
sataśca phalasya nimittaṃ vartamānīkaraṇe samarthaṃ nāpūrvopajanane
- 6
सिद्धं निमित्तं नैमित्तिकस्य विशेषानुग्रहं कुरुते नापूर्वम् उत्पादयतीति
siddhaṃ nimittaṃ naimittikasya viśeṣānugrahaṃ kurute nāpūrvam utpādayatīti
- 7
धर्मी चानेकधर्मस्वभावः
dharmī cānekadharmasvabhāvaḥ
- 8
तस्य चाध्वभेदेन धर्माः प्रत्यवस्थिताः
tasya cādhvabhedena dharmāḥ pratyavasthitāḥ
- 9
न च यथा वर्तमानं व्यक्तिविशेषापन्नं द्रव्यतो ऽस्त्य् एवम् अतीतम् अनागतं च
na ca yathā vartamānaṃ vyaktiviśeṣāpannaṃ dravyato 'sty evam atītam anāgataṃ ca
- 10
कथं तर्हि
kathaṃ tarhi
- 11
स्वेनैव व्यङ्ग्येन स्वरूपेणानागतम् अस्ति स्वेन चानुभूतव्यक्तिकेन स्वरूपेणातीतम् इति वर्तमानस्यैवाध्वनः स्वरूपव्यक्तिर् इति न सा भवत्य् अतीतानागतयोर् अध्वनोः
svenaiva vyaṅgyena svarūpeṇānāgatam asti svena cānubhūtavyaktikena svarūpeṇātītam iti vartamānasyaivādhvanaḥ svarūpavyaktir iti na sā bhavaty atītānāgatayor adhvanoḥ
- 12
एकस्य चाध्वनः समये द्वाव् अध्वानौ धर्मिसमन्वागतौ भवत एवेति नाभूत्वा भावस्त्रयाणाम् अध्वनाम् इति
ekasya cādhvanaḥ samaye dvāv adhvānau dharmisamanvāgatau bhavata eveti nābhūtvā bhāvastrayāṇām adhvanām iti

