29 shlokas
- 1
योगाङ्गान्यष्टावभिधायिष्यमाणानि
yogāṅgānyaṣṭāvabhidhāyiṣyamāṇāni
- 2
तेषाम् अनुष्ठानात्पञ्चपर्वणो विपर्ययस्याशुद्धिरूपस्य क्षयो नाशः
teṣām anuṣṭhānātpañcaparvaṇo viparyayasyāśuddhirūpasya kṣayo nāśaḥ
- 3
तत्क्षये सम्यग्ज्ञानस्याभिव्यक्तिः
tatkṣaye samyagjñānasyābhivyaktiḥ
- 4
यथा यथा च साधनान्य् अनुष्ठीयन्ते तथा तथा तनुत्वम् अशुद्धिर् आपद्यते
yathā yathā ca sādhanāny anuṣṭhīyante tathā tathā tanutvam aśuddhir āpadyate
- 5
यथा यथा च क्षीयते तथा तथा क्षयक्रमानुरोधिनी ज्ञानस्यापि दीप्तिर्विवर्धते
yathā yathā ca kṣīyate tathā tathā kṣayakramānurodhinī jñānasyāpi dīptirvivardhate
- 6
सा खल्व् एषा विवृद्धिः प्रकर्षम् अनुभवत्य् आ विवेकख्यातेः
sā khalv eṣā vivṛddhiḥ prakarṣam anubhavaty ā vivekakhyāteḥ
- 7
आ गुणपुरुषस्वरूपविज्ञानाद् इत्यर्थः
ā guṇapuruṣasvarūpavijñānād ityarthaḥ
- 8
योगाङ्गानुष्ठानम् अशुद्धेर्वियोगकारणम्यथा परशुश्छेद्यस्य
yogāṅgānuṣṭhānam aśuddherviyogakāraṇamyathā paraśuśchedyasya
- 9
विवेकख्यातेस्तु प्राप्तिकारणं यथा धर्मः सुखस्य नान्यथा कारणम्
vivekakhyātestu prāptikāraṇaṃ yathā dharmaḥ sukhasya nānyathā kāraṇam
- 10
कति चैतानि कारणानि शास्त्रे भवन्ति
kati caitāni kāraṇāni śāstre bhavanti
- 11
नवैवेत्य् आह
navaivety āha
- 12
तद्यथा
उत्पत्तिस्थित्यभिव्यक्तिविकारप्रत्ययाप्तयः
वियोगान्यत्वधृतयः कारणं नवधा स्मृतम्
tadyathā
utpattisthityabhivyaktivikārapratyayāptayaḥ
viyogānyatvadhṛtayaḥ kāraṇaṃ navadhā smṛtam
- 13
इति
iti
- 14
तत्रोत्पत्तिकारणं मनो भवति विज्ञानस्य
tatrotpattikāraṇaṃ mano bhavati vijñānasya
- 15
स्थितिकारणं मनसः पुरुषार्थता शरीरस्येवाहार इति
sthitikāraṇaṃ manasaḥ puruṣārthatā śarīrasyevāhāra iti
- 16
अभिव्यक्तिकारणं यथा रूपस्यालोकस्तथा रूपज्ञानम्
abhivyaktikāraṇaṃ yathā rūpasyālokastathā rūpajñānam
- 17
विकारकारणं मनसो विषयान्तरम्यथाग्निः पाक्यस्य
vikārakāraṇaṃ manaso viṣayāntaramyathāgniḥ pākyasya
- 18
प्रत्ययकारणं धूमज्ञानम् अग्निज्ञानस्य
pratyayakāraṇaṃ dhūmajñānam agnijñānasya
- 19
प्राप्तिकारणं योगाङ्गानुष्ठानं विवेकख्यातेः
prāptikāraṇaṃ yogāṅgānuṣṭhānaṃ vivekakhyāteḥ
- 20
वियोगकारणं तद् एवाशुद्धेः
viyogakāraṇaṃ tad evāśuddheḥ
- 21
अन्यत्वकारणं यथा सुवर्णस्य सुवर्णकारः
anyatvakāraṇaṃ yathā suvarṇasya suvarṇakāraḥ
- 22
एवम् एकस्य स्त्रीप्रत्ययस्याविद्या मूढत्वे द्वेषो दुःखत्वे रागः सुखत्वे तत्त्वज्ञानं माध्यस्थ्ये
evam ekasya strīpratyayasyāvidyā mūḍhatve dveṣo duḥkhatve rāgaḥ sukhatve tattvajñānaṃ mādhyasthye
- 23
धृतिकारणं शरीरम् इन्द्रियाणाम्तानि च तस्य
dhṛtikāraṇaṃ śarīram indriyāṇāmtāni ca tasya
- 24
महाभूतानि शरीराणाम्तानि च परस्परं सर्वेषाम्
mahābhūtāni śarīrāṇāmtāni ca parasparaṃ sarveṣām
- 25
तैर्यग्यौनमानुषदैवतानि च परस्परार्थत्वाद् इति
tairyagyaunamānuṣadaivatāni ca parasparārthatvād iti
- 26
एवं नव कारणानि
evaṃ nava kāraṇāni
- 27
तानि च यथासंभवं पदार्थान्तरेष्व् अपि योज्यानि
tāni ca yathāsaṃbhavaṃ padārthāntareṣv api yojyāni
- 28
योगाङ्गानुष्ठानं तु द्विधैव कारणत्वं लभत इति
yogāṅgānuṣṭhānaṃ tu dvidhaiva kāraṇatvaṃ labhata iti
- 29
तत्र योगाङ्गान्यवधार्यन्ते
tatra yogāṅgānyavadhāryante

