7 shlokas
- 1
देवीचतुष्टयं क्षुत्तृडीर्ष्यामननाख्यम्
devīcatuṣṭayaṃ kṣuttṛḍīrṣyāmananākhyam
- 2
तत्र च सर्वग्रासनिरतत्वात्क्षुद् एव महासंहारः
tatra ca sarvagrāsaniratatvātkṣud eva mahāsaṃhāraḥ
- 3
सर्वशोषकत्वात्तृड् एव संहारः
sarvaśoṣakatvāttṛḍ eva saṃhāraḥ
- 4
ईर्ष्या द्वयप्रथापादिकाग्राह्यग्राहकपरिग्रहग्रथिता स्थितिरूपा
īrṣyā dvayaprathāpādikāgrāhyagrāhakaparigrahagrathitā sthitirūpā
- 5
मनना च संकल्पविकल्पोल्लासरूपा सृष्टिः
mananā ca saṃkalpavikalpollāsarūpā sṛṣṭiḥ
- 6
एतद्रूपस्य देवीचतुष्टयस्य च उल्लासेन घस्मरसंवित्प्रवाहप्रवृत्त्या प्रथनेन सदैव सर्वकालं प्रत्येकं चातुरात्म्येनोद्योगाभासचर्वणालंग्रासवपुषा स्वस्वरूपावस्थितिः पञ्चमपदातिशायिनी निरवकाशसंविन्निष्ठा स्थितेत्य् अर्थः
etadrūpasya devīcatuṣṭayasya ca ullāsena ghasmarasaṃvitpravāhapravṛttyā prathanena sadaiva sarvakālaṃ pratyekaṃ cāturātmyenodyogābhāsacarvaṇālaṃgrāsavapuṣā svasvarūpāvasthitiḥ pañcamapadātiśāyinī niravakāśasaṃvinniṣṭhā sthitety arthaḥ
- 7
इत्य् अनेन सूत्रेण देवीचतुष्टयकथाक्रमं प्रकाश्य इदानीं द्वादशवाहचक्ररहस्यं निरूप्यते
ity anena sūtreṇa devīcatuṣṭayakathākramaṃ prakāśya idānīṃ dvādaśavāhacakrarahasyaṃ nirūpyate

