3 shlokas
- 1
अञ्जन्ति त्वाम् अध्वरे देवयन्तः
वनस्पते मधुना दैव्येन
यद् ऊर्ध्वस्तिष्ठाद्द्रविणेह धत्तात्
यद्वा क्षयो मातुर् अस्या उपस्थे
उच्छ्रयस्व वनस्पते
वर्ष्मन्पृथिव्या अधि
सुमिती मीयमानः
वर्चो धा यज्ञवाहसे
समिद्धस्य श्रयमाणः पुरस्तात्
ब्रह्म वन्वानो अजरं सुवीरम्
añjanti tvām adhvare devayantaḥ
vanaspate madhunā daivyena
yad ūrdhvastiṣṭhāddraviṇeha dhattāt
yadvā kṣayo mātur asyā upasthe
ucchrayasva vanaspate
varṣmanpṛthivyā adhi
sumitī mīyamānaḥ
varco dhā yajñavāhase
samiddhasya śrayamāṇaḥ purastāt
brahma vanvāno ajaraṃ suvīram
- 2
आरे अस्मद् अमतिं बाधमानः
उच्छ्रयस्व महते सौभगाय
ऊर्ध्व ऊ षु ण ऊतये
तिष्ठा देवो न सविता
ऊर्ध्वो वाजस्य सनिता यद् अञ्जिभिः
वाघद्भिर्विह्वयामहे
ऊर्ध्वो नः पाह्य् अंहसो नि केतुना
विश्वं सम् अत्त्रिणं दह
कृधी न ऊर्ध्वान्चरथाय जीवसे
विदा देवेषु नो दुवः
āre asmad amatiṃ bādhamānaḥ
ucchrayasva mahate saubhagāya
ūrdhva ū ṣu ṇa ūtaye
tiṣṭhā devo na savitā
ūrdhvo vājasya sanitā yad añjibhiḥ
vāghadbhirvihvayāmahe
ūrdhvo naḥ pāhy aṃhaso ni ketunā
viśvaṃ sam attriṇaṃ daha
kṛdhī na ūrdhvāncarathāya jīvase
vidā deveṣu no duvaḥ
- 3
जातो जायते सुदिनत्वे अह्नाम्
स मर्य आ विदथे वर्धमानः
पुनन्ति धीरा अपसो मनीषा
देवया विप्र उदियर्ति वाचम्
युवा सुवासाः परिवीत आगात्
स उ श्रेयान्भवति जायमानः
तं धीरासः कवय उन्नयन्ति
स्वाधियो मनसा देवयन्तः
पृथुपाजा अमर्त्यः
घृतनिर्णिक्स्वाहुतः
अग्निर्यज्ञस्य हव्यवाट्
तं सबाधो यतस्रुचः
इत्था धिया यज्ञवन्तः
आचक्रुर् अग्निम् ऊतये
त्वं वरुण उत मित्रो अग्ने
त्वां वर्धन्ति मतिभिर्वसिष्ठाः
त्वे वसु सुषणनानि सन्तु
यूयं पात स्वस्तिभिः सदा नः
jāto jāyate sudinatve ahnām
sa marya ā vidathe vardhamānaḥ
punanti dhīrā apaso manīṣā
devayā vipra udiyarti vācam
yuvā suvāsāḥ parivīta āgāt
sa u śreyānbhavati jāyamānaḥ
taṃ dhīrāsaḥ kavaya unnayanti
svādhiyo manasā devayantaḥ
pṛthupājā amartyaḥ
ghṛtanirṇiksvāhutaḥ
agniryajñasya havyavāṭ
taṃ sabādho yatasrucaḥ
itthā dhiyā yajñavantaḥ
ācakrur agnim ūtaye
tvaṃ varuṇa uta mitro agne
tvāṃ vardhanti matibhirvasiṣṭhāḥ
tve vasu suṣaṇanāni santu
yūyaṃ pāta svastibhiḥ sadā naḥ

