Sanskrit

Taittiriya Brahmana · Anuvaka 5 3.1.5.4

3.1.5.4

आपो वा अकामयन्त

समुद्रं कामम् अभिजयेमेति

ता एतम् अद्भ्यो ऽषाढाभ्यश्चरुं निरवपन्

ततो वै ताः समुद्रं कामम् अभ्यजयन्

समुद्रं ह वै कामम् अभिजयति

य एतेन हविषा यजते

य उ चैनद् एवं वेद

सो ऽत्र जुहोति

अद्भ्यः स्वाहाषाढाभ्यः स्वाहा

समुद्राय स्वाहा कामाय स्वाहा

अभिजित्यै स्वाहेति

Transliteration

āpo vā akāmayanta

samudraṃ kāmam abhijayemeti

tā etam adbhyo 'ṣāḍhābhyaścaruṃ niravapan

tato vai tāḥ samudraṃ kāmam abhyajayan

samudraṃ ha vai kāmam abhijayati

ya etena haviṣā yajate

ya u cainad evaṃ veda

so 'tra juhoti

adbhyaḥ svāhāṣāḍhābhyaḥ svāhā

samudrāya svāhā kāmāya svāhā

abhijityai svāheti

By System Admin

Translation

Draft in progress