Taittiriya Brahmana · Anuvaka 4 2.3.4.6
2.3.4.6तद् एतेनैव प्रत्यगृह्णात्
तेन वै सो ऽष्टमम् इन्द्रियस्यात्मन्न् उपाधत्त
अष्टमम् इन्द्रियस्यात्मन्न् उपाधत्ते
य एवं विद्वान् अप्राणत्प्रतिगृह्णाति
अथ यो ऽविद्वान्प्रतिगृह्णाति
अष्टमम् अस्येन्द्रियस्यापक्रामति
यद्वा इदं किं च
तत्सर्वम् उत्तान एवाङ्गीरसः प्रत्यगृह्णात्
तद् एनं प्रतिगृहीतं नाहिनत्
यत्किं च प्रतिगृह्णीयात्
तत्सर्वम् उत्तानस्त्व् आङ्गीरसः प्रतिगृह्णात्व् इत्य् एव प्रतिगृह्णीयात्
इयं वा उत्तान आङ्गीरसः
अनयैवैनत्प्रतिगृह्णाति
नैनं हिनस्ति
Transliteration
tad etenaiva pratyagṛhṇāt
tena vai so 'ṣṭamam indriyasyātmann upādhatta
aṣṭamam indriyasyātmann upādhatte
ya evaṃ vidvān aprāṇatpratigṛhṇāti
atha yo 'vidvānpratigṛhṇāti
aṣṭamam asyendriyasyāpakrāmati
yadvā idaṃ kiṃ ca
tatsarvam uttāna evāṅgīrasaḥ pratyagṛhṇāt
tad enaṃ pratigṛhītaṃ nāhinat
yatkiṃ ca pratigṛhṇīyāt
tatsarvam uttānastv āṅgīrasaḥ pratigṛhṇātv ity eva pratigṛhṇīyāt
iyaṃ vā uttāna āṅgīrasaḥ
anayaivainatpratigṛhṇāti
nainaṃ hinasti
By System Admin
Translation
Draft in progress