अथैनामावाहयाम्यनवद्यां शवाधिरूढां रक्तवस्त्रालङ्कारयुक्तां रक्तपीठोपविष्टां गुञ्जाहारविभूषितहृदयां षोडशसमासमाकारां युवतीं पीनोन्नतघनस्तनीं स्वहृदये चिन्तयित्वोच्छिष्टपदमाभाष्य चण्डालिनीमभिमतां सुमुखीं तदन्ते देवीं चोक्त्वा महापिशाचिनीं तस्माद्धरामgniमायां बिन्दुमौलिनीं समुच्चार्य ठान्तत्रयं सविसर्गM समुद्धृत्य देवीं हृदये विभाव्य ईGकारस्वरूपं सबिन्दुमुखं युग्मस्तनपदान्तं भावयित्वा यन्त्रं योनिं तदुपरि शिववक्त्रयोनिमष्टपत्रं षोडशाब्जकं वृत्तमेकं चतुरश्रं यन्त्रराजं विचिन्त्यादौ देवीमावाह्य बिन्दौ गन्धाक्षतपुष्पधूपदीपान् संस्कृतान्नं नानाविधं निवेद्याद्यं पलं मीनाद्यन्नं मूलेन मूलां सन्तर्प्य संस्कृतां पुरस्कृतां योनिं देवतायै निवेदयेत् । सुकृती चतुरश्रान् देवानिन्द्राgniयमनिर्ऋतिवरुणवायुकुबेरेशानान् वामावर्तेन संपूज्य षोडशाब्जके कलावती कपालिनी कल्याणी नित्या कमला क्रिया कृपा आकुला कुलीना कुमारी कुण्डला आकरा किशोरी कोमला कल्पा कुमुदा एताः पूजयेत् । अष्टाब्जे ब्राह्मी माहेश्वरी कौमारी वैष्णवी वाराही इन्द्राणी चामुण्डा महालक्ष्मीः । ततो योनिपञ्चके चन्द्रा चन्द्रानना चारुमुखी चामीकरप्रभा चतुरा । ततो योनौ वामा ज्येष्ठा रौद्री । तदन्ते रतिप्रीति-मनोभवाः पूज्याः । प्रान्ते पूजां सन्तर्प्य पुनर्नैवेद्यं बहुगुणं निवेद्यारात्रिकं निवेद्य परां पूजयन् महाछत्रचामरादिसर्वदेवैर्नमस्कृतामाद्यशक्तिमष्टजातीयां स्वयं भैरवो भूत्वा कुलाकुलामृतैर्देवीं सन्तर्प्य स्वहृदये तां परां विसृज्य सुखेनैव शिवशक्त्यात्मको भावयन् विहरेत् । स सिद्धीश्वरो भवेत् । स सर्वेश्वरो भवेत् । स लोकाध्यक्षो भवेत् । भवो भूत्वा विभावयति ॥
Transliteration
athaināmāvāhayāmyanavadyāṃ śavādhirūḍhāṃ raktavastrālaṅkārayuktāṃ raktapīṭhopaviṣṭāṃ guñjāhāravibhūṣitahṛdayāṃ ṣoḍaśasamāsamākārāṃ yuvatīṃ pīnonnataghanastanīṃ svahṛdaye cintayitvocchiṣṭapadamābhāṣya caṇḍālinīmabhimatāṃ sumukhīṃ tadante devīṃ coktvā mahāpiśācinīṃ tasmāddharāmagnimāyāṃ bindumaulinīṃ samuccārya ṭhāntatrayaṃ savisargaM samuddhṛtya devīṃ hṛdaye vibhāvya īGkārasvarūpaṃ sabindumukhaṃ yugmastanapadāntaṃ bhāvayitvā yantraṃ yoniṃ tadupari śivavaktrayonimaṣṭapatraṃ ṣoḍaśābjakaṃ vṛttamekaṃ caturaśraṃ yantrarājaṃ vicintyādau devīmāvāhya bindau gandhākṣatapuṣpadhūpadīpān saṃskṛtānnaṃ nānāvidhaṃ nivedyādyaṃ palaṃ mīnādyannaṃ mūlena mūlāṃ santarpya saṃskṛtāṃ puraskṛtāṃ yoniṃ devatāyai nivedayet | sukṛtī caturaśrān devānindrāgniyamanirṛtivaruṇavāyukubereśānān vāmāvartena saṃpūjya ṣoḍaśābjake kalāvatī kapālinī kalyāṇī nityā kamalā kriyā kṛpā ākulā kulīnā kumārī kuṇḍalā ākarā kiśorī komalā kalpā kumudā etāḥ pūjayet | aṣṭābje brāhmī māheśvarī kaumārī vaiṣṇavī vārāhī indrāṇī cāmuṇḍā mahālakṣmīḥ | tato yonipañcake candrā candrānanā cārumukhī cāmīkaraprabhā caturā | tato yonau vāmā jyeṣṭhā raudrī | tadante ratiprīti-manobhavāḥ pūjyāḥ | prānte pūjāṃ santarpya punarnaivedyaṃ bahuguṇaṃ nivedyārātrikaṃ nivedya parāṃ pūjayan mahāchatracāmarādisarvadevairnamaskṛtāmādyaśaktimaṣṭajātīyāṃ svayaṃ bhairavo bhūtvā kulākulāmṛtairdevīṃ santarpya svahṛdaye tāṃ parāṃ visṛjya sukhenaiva śivaśaktyātmako bhāvayan viharet | sa siddhīśvaro bhavet | sa sarveśvaro bhavet | sa lokādhyakṣo bhavet | bhavo bhūtvā vibhāvayati ||
By System Admin
Translation
Draft in progress