Shukasaptati · Chapter 8 8.3
8.3राजा पृच्छति कथमेतत्बालपण्डिता प्राह अस्ति पृथ्वीतले त्रिपुरं नाम स्थानम्
तस्मिन्त्रिविक्रमो नाम राज
तत्र सुन्दराभिधानो वणिक्
तद्भार्या सुभगा नामातीव कुलटा
सा च भर्त्रा गृहान्निर्यान्ती प्रयत्नेन नियन्त्रिता
तां च नियन्त्रणात्पूर्वमेको वणिग्यक्षगृहे स्थितः सकामामभजत्
यदा च बहिर्निर्गच्छन्ती पतिना निवारिता तदा सखीं प्राह सखि अद्य त्वया स मानवो यक्षायतन आकारणीयः यथाहं तत्र गत्वा तं रमे
त्वया च मयि गतायां पश्चादस्मद्गृहं ज्वालनीयं यथा गृहकार्यासक्तो जनो मां गतां न जानाति
अत्रान्तरे ऽहं तं स्वेच्छया भुक्त्वा समुपागच्छामि
ततः सखीवचनात्स पुमांस्तत्रायातः
साप्यागता
तदा च गतायां तस्यां सा सखी तद्गृहं प्रज्वालितवती
स पुमान्प्रज्वलने कुतूहली यक्षायतनं मुक्त्वा तत्रावलोकनाय गतः
सा च तत्र स्थिता समाप्तात्मप्रयोजना यावता गृहमागता तावता गृहं दग्धम्
न गृहं न बहिर्भूप वणिग्वध्वा यथाभवत्
तथा तव महाराज भविष्यति सुनिश्चयम्
Transliteration
rājā pṛcchati kathametatbālapaṇḍitā prāha asti pṛthvītale tripuraṃ nāma sthānam
tasmintrivikramo nāma rāja
tatra sundarābhidhāno vaṇik
tadbhāryā subhagā nāmātīva kulaṭā
sā ca bhartrā gṛhānniryāntī prayatnena niyantritā
tāṃ ca niyantraṇātpūrvameko vaṇigyakṣagṛhe sthitaḥ sakāmāmabhajat
yadā ca bahirnirgacchantī patinā nivāritā tadā sakhīṃ prāha sakhi adya tvayā sa mānavo yakṣāyatana ākāraṇīyaḥ yathāhaṃ tatra gatvā taṃ rame
tvayā ca mayi gatāyāṃ paścādasmadgṛhaṃ jvālanīyaṃ yathā gṛhakāryāsakto jano māṃ gatāṃ na jānāti
atrāntare 'haṃ taṃ svecchayā bhuktvā samupāgacchāmi
tataḥ sakhīvacanātsa pumāṃstatrāyātaḥ
sāpyāgatā
tadā ca gatāyāṃ tasyāṃ sā sakhī tadgṛhaṃ prajvālitavatī
sa pumānprajvalane kutūhalī yakṣāyatanaṃ muktvā tatrāvalokanāya gataḥ
sā ca tatra sthitā samāptātmaprayojanā yāvatā gṛhamāgatā tāvatā gṛhaṃ dagdham
na gṛhaṃ na bahirbhūpa vaṇigvadhvā yathābhavat
tathā tava mahārāja bhaviṣyati suniścayam
By System Admin
Translation
Draft in progress