Shukasaptati · Chapter 28 28.2
28.2अस्ति कुहाडाख्यो महाग्रामः तत्र जरसाख्यो कौटुम्बिको महामूर्खः
तद्भार्या देविका पुंश्चली
तां च प्रभाकरो ब्राह्मणः क्षेत्रमध्ये विभीतकवृक्षसमीपे गुप्तस्थाने मुदा रमतेर्
ईदृशं व्यतिकरं जनाच्छ्रुत्वा तत्पतिस्तत्रावलोकनाय स्वयं गतः
तेन च वृक्षारूढेन तत्तथैव दृष्टम्
दृष्ट्वा तत्रस्थेनापि जल्पितम्धूर्तिके बहुदिनेभ्यो ऽद्य सम्प्राप्ता इत्युक्ता कथमियं भर्तारं प्रत्याययतु
तयोक्तम्नाहं जाने त्वमेव कथय
यदि न यासि तदा कथयामि
तया तथेति प्रतिपन्ने शुकः प्राह सा च तद्वचः श्रुत्वा तं जारं प्रेषयामास पत्या चावतीर्य समागतेन उपालब्धा
साह हे प्रभोर् ईदृश एव वृक्षः अत्रारूढैर्मिथुनं दृश्यते
तेन पतिना उक्तम्त्वमारुह्य अवलोकय
तया तथा कृतम्
वृक्षारूढया च तया प्रोक्तं कपटेन
बहुदिवसेभ्यो ऽन्यां नारीमभिगमन्दृष्टो ऽसि
तेन मूर्खेण ज्ञातम्सत्यमिदम्
स च तां शान्तयित्वा गृहं निनाय
इति कथां श्रुत्वा प्रभावती सुप्ता
Transliteration
asti kuhāḍākhyo mahāgrāmaḥ tatra jarasākhyo kauṭumbiko mahāmūrkhaḥ
tadbhāryā devikā puṃścalī
tāṃ ca prabhākaro brāhmaṇaḥ kṣetramadhye vibhītakavṛkṣasamīpe guptasthāne mudā ramater
īdṛśaṃ vyatikaraṃ janācchrutvā tatpatistatrāvalokanāya svayaṃ gataḥ
tena ca vṛkṣārūḍhena tattathaiva dṛṣṭam
dṛṣṭvā tatrasthenāpi jalpitamdhūrtike bahudinebhyo 'dya samprāptā ityuktā kathamiyaṃ bhartāraṃ pratyāyayatu
tayoktamnāhaṃ jāne tvameva kathaya
yadi na yāsi tadā kathayāmi
tayā tatheti pratipanne śukaḥ prāha sā ca tadvacaḥ śrutvā taṃ jāraṃ preṣayāmāsa patyā cāvatīrya samāgatena upālabdhā
sāha he prabhor īdṛśa eva vṛkṣaḥ atrārūḍhairmithunaṃ dṛśyate
tena patinā uktamtvamāruhya avalokaya
tayā tathā kṛtam
vṛkṣārūḍhayā ca tayā proktaṃ kapaṭena
bahudivasebhyo 'nyāṃ nārīmabhigamandṛṣṭo 'si
tena mūrkheṇa jñātamsatyamidam
sa ca tāṃ śāntayitvā gṛhaṃ nināya
iti kathāṃ śrutvā prabhāvatī suptā
By System Admin
Translation
Draft in progress