Shukasaptati · Chapter 25 25.2
25.2अस्ति चन्द्रपुरी नाम नगरी
तत्र सिद्धसेनो नाम क्षपणको जनपूजितः
तस्मिनेव नगरे ऽन्यः सितपटो गुणिनां मुख्यः समागतः
तेन च गुणिना सर्वो ऽपि जन आवर्जितः श्रावका अप्यात्मायत्ताः कृताः
स क्षपणको ऽपि तस्य पूजां क्रियमाणाम् असहमानः स्वयं तदीयोपाश्रये वेश्यां प्रेषयित्वा असौ वेश्यालुब्धो न सुशील इति श्वेताम्बरस्य लोकप्रवादमकरोत्
तद्दर्शनाय जनमाकारयामास
ब्रूते च क्षपणका एव ब्रह्मचारिणः श्वेताम्बरास्तु विप्लुताः
सो ऽपि श्वेताम्बरो दीपाग्निना उपाधिं प्रज्वाल्य प्रभातप्राप्तायां रजन्यां नग्नोभूय वेश्याया दत्तहस्तो निर्गतः
ततो लोकापवादः संवृत्तः
यदसौ क्षपणको न सितवस्त्रः
इति श्रुत्वा प्रभावती सुप्ता
Transliteration
asti candrapurī nāma nagarī
tatra siddhaseno nāma kṣapaṇako janapūjitaḥ
tasmineva nagare 'nyaḥ sitapaṭo guṇināṃ mukhyaḥ samāgataḥ
tena ca guṇinā sarvo 'pi jana āvarjitaḥ śrāvakā apyātmāyattāḥ kṛtāḥ
sa kṣapaṇako 'pi tasya pūjāṃ kriyamāṇām asahamānaḥ svayaṃ tadīyopāśraye veśyāṃ preṣayitvā asau veśyālubdho na suśīla iti śvetāmbarasya lokapravādamakarot
taddarśanāya janamākārayāmāsa
brūte ca kṣapaṇakā eva brahmacāriṇaḥ śvetāmbarāstu viplutāḥ
so 'pi śvetāmbaro dīpāgninā upādhiṃ prajvālya prabhātaprāptāyāṃ rajanyāṃ nagnobhūya veśyāyā dattahasto nirgataḥ
tato lokāpavādaḥ saṃvṛttaḥ
yadasau kṣapaṇako na sitavastraḥ
iti śrutvā prabhāvatī suptā
By System Admin
Translation
Draft in progress