9 shlokas
- 1
तद् इत्युक्तचरे धाम्नि संवेत्तृत्वस्वरूपिणि
tad ityuktacare dhāmni saṃvettṛtvasvarūpiṇi
- 2
आरूढा प्रमितिः संवित्तद्विमर्शनतत्परा
ārūḍhā pramitiḥ saṃvittadvimarśanatatparā
- 3
यस्य तस्यास्य तद् इति प्रोक्ताणवमलात्मनः
yasya tasyāsya tad iti proktāṇavamalātmanaḥ
- 4
अभिलापस्य रूढस्य क्षयाज्जीवस्य संक्षयः
abhilāpasya rūḍhasya kṣayājjīvasya saṃkṣayaḥ
- 5
पुर्यष्टकस्वभावस्य प्रशमस्तत्त्वतो भवेत्
puryaṣṭakasvabhāvasya praśamastattvato bhavet
- 6
प्राप्नोति देहपातो ऽस्य नन्व् एवं जीवसंक्षये
prāpnoti dehapāto 'sya nanv evaṃ jīvasaṃkṣaye
- 7
नासौ कदापि कस्यापि दृश्यते ऽत्रापि योगिनः
nāsau kadāpi kasyāpi dṛśyate 'trāpi yoginaḥ
- 8
तस्मात्कथं तदारूढप्रमितिः साधको भवेत्
tasmātkathaṃ tadārūḍhapramitiḥ sādhako bhavet
- 9
इत्य् आशङ्क्योत्तरं वक्ति भगवान्विश्वदैशिकः
ity āśaṅkyottaraṃ vakti bhagavānviśvadaiśikaḥ

