Shatapatha Brahmana (Madhyandina) · Kandika 2 6.2.2.29
6.2.2.29तदाहुः
यद्यावत्य एतस्याग्नेर् इष्टकास्तावन्ति क्रये ऽहोरात्राणि सम्पद्यन्ते ऽथ यान्यूर्ध्वानि क्रयाद् अहानि कथमस्य ते लोका अनूपहिता भवन्तीति यद्वा अमावास्यायां दीक्षित्वामावास्यायां क्रीणाति तद्यावन्तम् एव लोकं करोति तावतीर् इष्टका उपदधात्य् अथ यान्यूर्ध्वानि क्रयादहानि तस्मिन्नवकाशे ऽध्वर्युर् अग्निं चिनोति क्वो हि चिनुयान्न च सो ऽवकाशः स्याद्यावन्ति वै संवत्सरस्याहोरात्राणि तावत्य एतस्याग्नेर् इष्टका उप च त्रयोदशो मासस्त्रयोदशो वा एष मासो यान्यूर्ध्वानि क्रयाद् अहानि तद्या अमूस्त्रयोदशस्य मास इष्टकास्ताभिर् अस्य ते लोका अनूपहिता भवन्ति तत्समा लोकाश्चेष्टकाश्च भवन्ति
Transliteration
tadāhuḥ
yadyāvatya etasyāgner iṣṭakāstāvanti kraye 'horātrāṇi sampadyante 'tha yānyūrdhvāni krayād ahāni kathamasya te lokā anūpahitā bhavantīti yadvā amāvāsyāyāṃ dīkṣitvāmāvāsyāyāṃ krīṇāti tadyāvantam eva lokaṃ karoti tāvatīr iṣṭakā upadadhāty atha yānyūrdhvāni krayādahāni tasminnavakāśe 'dhvaryur agniṃ cinoti kvo hi cinuyānna ca so 'vakāśaḥ syādyāvanti vai saṃvatsarasyāhorātrāṇi tāvatya etasyāgner iṣṭakā upa ca trayodaśo māsastrayodaśo vā eṣa māso yānyūrdhvāni krayād ahāni tadyā amūstrayodaśasya māsa iṣṭakāstābhir asya te lokā anūpahitā bhavanti tatsamā lokāśceṣṭakāśca bhavanti
By System Admin
Translation
Draft in progress