Shatapatha Brahmana (Madhyandina) · Kandika 2 4.2.2.11
4.2.2.11अथ दशापवित्रम् उपगृह्य हिंकरोति
सा हैषा वाग् अनुद्यमाना तताम
तस्यां देवा वाचि तान्तायां हिङ्कारेणैव प्राणम् अदधुः
प्राणो वै हिङ्कारः
प्राणो हि वै हिङ्कारः
तस्माद् अपिगृह्य नासिके न हिंकर्तुं शक्नोति
सैतेन प्राणेन समजिहीत
यदा वै तान्तः प्राणं लभते ऽथ स संजिहीते
तथो एवैष एतद्वाचि तान्तायां हिङ्कारेणैव प्राणं दधाति
सैतेन प्राणेन संजिहीते
त्रिष्कृत्वो हिंकरोति
त्रिवृद्धि यज्ञः
Transliteration
atha daśāpavitram upagṛhya hiṃkaroti
sā haiṣā vāg anudyamānā tatāma
tasyāṃ devā vāci tāntāyāṃ hiṅkāreṇaiva prāṇam adadhuḥ
prāṇo vai hiṅkāraḥ
prāṇo hi vai hiṅkāraḥ
tasmād apigṛhya nāsike na hiṃkartuṃ śaknoti
saitena prāṇena samajihīta
yadā vai tāntaḥ prāṇaṃ labhate 'tha sa saṃjihīte
tatho evaiṣa etadvāci tāntāyāṃ hiṅkāreṇaiva prāṇaṃ dadhāti
saitena prāṇena saṃjihīte
triṣkṛtvo hiṃkaroti
trivṛddhi yajñaḥ
By System Admin
Translation
Draft in progress