Sanskrit

Shatapatha Brahmana (Madhyandina) · Kandika 3 3.4.3.18

3.4.3.18

त आप्याययन्त्य् अंशुर् अंशुष्टे देव सोमाप्यायताम् इति

तद् अस्यांशुम् अंशुम् एवाप्याययन्ति

इन्द्रायैकधनविद इति

इन्द्रो वै यज्ञस्य देवता

तस्माद् आहेन्द्रायेत्य् एकधनविद इति

शतं शतं ह स्म वा एष देवान्प्रत्येकैक एवांशुर् एकधनानाप्यायते दश दश वा

तुभ्यम् इन्द्रः प्यायताम् आ त्वम् इन्द्राय प्यायस्वेति

इन्द्रो वै यज्ञस्य देवता

सा यैव यज्ञस्य देवता ताम् एवैतद् आप्याययति

आ त्वम् इन्द्राय प्यायस्वेति

तद् एतस्मिन्न् आप्यायनं दधाति

आप्याययास्मान्त्सखीन्त्सन्या मेधयेति

स यत्सनोति तत्तद् आह यत्सन्येति

अथ यद् अनुब्रूते तद् उ तद् आह यन्मेधयेति

स्वस्ति ते देव सोम सुत्याम् अशीयेति

एका वा एतेषाम् आशीर्भवत्य् ऋत्विजां च यजमानस्य च यज्ञस्योदृचं गच्छेमेति

यज्ञस्योदृचं गच्छानीत्य् एवैतद् आह

Transliteration

ta āpyāyayanty aṃśur aṃśuṣṭe deva somāpyāyatām iti

tad asyāṃśum aṃśum evāpyāyayanti

indrāyaikadhanavida iti

indro vai yajñasya devatā

tasmād āhendrāyety ekadhanavida iti

śataṃ śataṃ ha sma vā eṣa devānpratyekaika evāṃśur ekadhanānāpyāyate daśa daśa vā

tubhyam indraḥ pyāyatām ā tvam indrāya pyāyasveti

indro vai yajñasya devatā

sā yaiva yajñasya devatā tām evaitad āpyāyayati

ā tvam indrāya pyāyasveti

tad etasminn āpyāyanaṃ dadhāti

āpyāyayāsmāntsakhīntsanyā medhayeti

sa yatsanoti tattad āha yatsanyeti

atha yad anubrūte tad u tad āha yanmedhayeti

svasti te deva soma sutyām aśīyeti

ekā vā eteṣām āśīrbhavaty ṛtvijāṃ ca yajamānasya ca yajñasyodṛcaṃ gacchemeti

yajñasyodṛcaṃ gacchānīty evaitad āha

By System Admin

Translation

Draft in progress