9 shlokas
- 1
ततश्च तत्प्रतिपक्ष करस्याङ्गुष्ठमूले या धमनी जीवसाक्षिणी
तच्चेष्टया सुखं दुःखं ज्ञेयं कायस्य पण्डितैः
tataśca tatpratipakṣa karasyāṅguṣṭhamūle yā dhamanī jīvasākṣiṇī
tacceṣṭayā sukhaṃ duḥkhaṃ jñeyaṃ kāyasya paṇḍitaiḥ
- 2
नाडी धत्ते मरुत्कोपे जलौकासर्पयोर्गतिम्
कुलिङ्गकाकमण्डूकगतिं पित्तस्य कोपतः
nāḍī dhatte marutkope jalaukāsarpayorgatim
kuliṅgakākamaṇḍūkagatiṃ pittasya kopataḥ
- 3
हंसपारावतगतिं धत्ते श्लेष्मप्रकोपतः
लावतित्तिरवर्तीनां गमनं संनिपाततः
haṃsapārāvatagatiṃ dhatte śleṣmaprakopataḥ
lāvatittiravartīnāṃ gamanaṃ saṃnipātataḥ
- 4
कदाचिन्मन्दगमना कदाचिद्वेगवाहिनी
द्विदोषकोपतो ज्ञेया हन्ति च स्थानविच्युता
kadācinmandagamanā kadācidvegavāhinī
dvidoṣakopato jñeyā hanti ca sthānavicyutā
- 5
स्थित्वा स्थित्वा चलति या सा स्मृता प्राणनाशिनी
अतिक्षीणा च शीता च जीवितं हन्त्यसंशयम्
sthitvā sthitvā calati yā sā smṛtā prāṇanāśinī
atikṣīṇā ca śītā ca jīvitaṃ hantyasaṃśayam
- 6
ज्वरकोपेण धमनी सोष्णा वेगवती भवेत्
कामक्रोधाद्वेगवहा क्षीणा चिन्ताभयप्लुता
jvarakopeṇa dhamanī soṣṇā vegavatī bhavet
kāmakrodhādvegavahā kṣīṇā cintābhayaplutā
- 7
मन्दाग्नेः क्षीणधातोश्च नाडी मन्दतरा भवेत्
असृक्पूर्णा भवेत्कोष्णा गुर्वी सामा गरीयसी
mandāgneḥ kṣīṇadhātośca nāḍī mandatarā bhavet
asṛkpūrṇā bhavetkoṣṇā gurvī sāmā garīyasī
- 8
लघ्वी वहति दीप्ताग्नेस्तथा वेगवती मता
सुखितस्य स्थिरा ज्ञेया तथा बलवती स्मृता
laghvī vahati dīptāgnestathā vegavatī matā
sukhitasya sthirā jñeyā tathā balavatī smṛtā
- 9
चपला क्षुधितस्यापि तृप्तस्य वहति स्थिरा
capalā kṣudhitasyāpi tṛptasya vahati sthirā

