विश्वमयो ब्राह्मणः शिवं व्रजति । ब्राह्मणः पञ्चाक्षरमनुभवति । ब्राह्मणः शिवपूजारतः । शिवभक्तिविहीनश्चेत् स चण्डाल उपचण्डालः । चतुर्वेदज्ञोऽपि शिवभक्त्यान्तर्भवतीति स एव ब्राह्मणः । अधमश्चाण्डालोऽपि शिवभक्तोऽपि ब्राह्मणाच्छ्रेष्ठतरः । ब्राह्मणस्त्रिपुण्ड्रधृतः । अत एव ब्राह्मणः । शिवभक्तेरेव ब्राह्मणः । शिवलिङ्गार्चनयुतश्चाण्डालोऽपि स एव ब्राह्मणाधिको भवति । अग्निहोत्रभसिताच्छिवभक्तचाण्डालहस्तविभूतिः शुद्धा । कपिशा वा श्वेतजापि धूम्रवर्णा वा । विरक्तानां तपस्विनां शुद्धा । गृहस्थानां निर्मलविभूतिः । तपस्विभिः सर्वभस्म धार्यम् । यद्वा शिवभक्तिसंपुष्टं सदापि तद्भसितं देवताधार्यम् ।
Transliteration
viśvamayo brāhmaṇaḥ śivaṃ vrajati | brāhmaṇaḥ pañcākṣaramanubhavati | brāhmaṇaḥ śivapūjārataḥ | śivabhaktivihīnaścet sa caṇḍāla upacaṇḍālaḥ | caturvedajño'pi śivabhaktyāntarbhavatīti sa eva brāhmaṇaḥ | adhamaścāṇḍālo'pi śivabhakto'pi brāhmaṇācchreṣṭhataraḥ | brāhmaṇastripuṇḍradhṛtaḥ | ata eva brāhmaṇaḥ | śivabhaktereva brāhmaṇaḥ | śivaliṅgārcanayutaścāṇḍālo'pi sa eva brāhmaṇādhiko bhavati | agnihotrabhasitācchivabhaktacāṇḍālahastavibhūtiḥ śuddhā | kapiśā vā śvetajāpi dhūmravarṇā vā | viraktānāṃ tapasvināṃ śuddhā | gṛhasthānāṃ nirmalavibhūtiḥ | tapasvibhiḥ sarvabhasma dhāryam | yadvā śivabhaktisaṃpuṣṭaṃ sadāpi tadbhasitaṃ devatādhāryam |
By System Admin
Translation
Draft in progress