16 shlokas
- 1
अणिमा परमाणुरूपतापत्तिः
aṇimā paramāṇurūpatāpattiḥ
- 2
लघिमा तूलपिण्डवल्लघुत्वप्राप्तिः
laghimā tūlapiṇḍavallaghutvaprāptiḥ
- 3
गरिमा गुरुत्वप्राप्तिः
garimā gurutvaprāptiḥ
- 4
महिमा महत्त्वप्राप्तिः अङ्गुल्यग्रेण चन्द्रादिस्पर्शनशक्तिः
mahimā mahattvaprāptiḥ aṅgulyagreṇa candrādisparśanaśaktiḥ
- 5
प्राकाम्यम् इच्छानभिघातः
prākāmyam icchānabhighātaḥ
- 6
शरीरान्तःकरणेश्वरत्वम् ईशित्वम्
śarīrāntaḥkaraṇeśvaratvam īśitvam
- 7
सर्वत्र प्रभविष्णुता वशित्वं सर्वाण्य् एव भूताणि अनुरागित्वात्तदुक्तं नातिक्रामन्ति
sarvatra prabhaviṣṇutā vaśitvaṃ sarvāṇy eva bhūtāṇi anurāgitvāttaduktaṃ nātikrāmanti
- 8
कामावसायित्वं सर्वत्र कामावसायो यस्मिन्विषयेऽस्य काम इच्छा भवति तस्मिन्विषये योगिनो ऽवसायो भवति तं विषयं स्वीकारद्वारेणाभिलाषसमाप्तिपर्यन्तं नयतीत्यर्थः
kāmāvasāyitvaṃ sarvatra kāmāvasāyo yasminviṣaye'sya kāma icchā bhavati tasminviṣaye yogino 'vasāyo bhavati taṃ viṣayaṃ svīkāradvāreṇābhilāṣasamāptiparyantaṃ nayatītyarthaḥ
- 9
तत्र ते अणिमाद्याः समाध्युपयोगिनो भूतजयात्योगिनः प्रादुर्भवन्ति
tatra te aṇimādyāḥ samādhyupayogino bhūtajayātyoginaḥ prādurbhavanti
- 10
यथा परमाणुत्वं प्राप्तो वज्रादीनामप्यन्तः प्रविशति
yathā paramāṇutvaṃ prāpto vajrādīnāmapyantaḥ praviśati
- 11
एवं सर्वत्र योज्यम्
evaṃ sarvatra yojyam
- 12
एतेऽणिमादयोऽष्टौ गुणा महासिद्धय इत्युच्यन्ते
ete'ṇimādayo'ṣṭau guṇā mahāsiddhaya ityucyante
- 13
कायसम्पद्वक्ष्यमाणा तां प्राप्नोति
kāyasampadvakṣyamāṇā tāṃ prāpnoti
- 14
तद्धर्मानभिघातश्च तस्य कायस्य ये धर्मा रूपादयस्तेषामभिघातो नाशो नास्य कुतश्चिद् अपि भवति
taddharmānabhighātaśca tasya kāyasya ye dharmā rūpādayasteṣāmabhighāto nāśo nāsya kutaścid api bhavati
- 15
नास्य रूपमग्निर्दहति न च वायुः शोषयति इत्यादि योज्यम्
nāsya rūpamagnirdahati na ca vāyuḥ śoṣayati ityādi yojyam
- 16
कायसम्पदम् आह
kāyasampadam āha

