Sanskrit

अथ पुरुषोत्तमो यस्यां निशायां तुरीयं साक्षाद्ब्रह्म । यत्र परमसंन्यासस्वरूपः कृष्णः कल्पपादपः । यत्र लक्ष्मीर्जाम्बवती राधिका विमला चन्द्रावलीसरस्वती ललितादिरिति । साक्षाद्ब्रह्मस्वरूपो जगन्नाथः अहंशेषांशज्योतीरूपः सुदर्शनो भक्तश्च । एवं पञ्चधा विभृतमिति । यत्र च मथुरा गोकुलं द्वारका वैकुण्ठपुरी श्वेतपुरी रामपुरी यमपुरी नरसिंहपुरी नरनारायणपुरी कुबेरपुरी गणेशपुरी शक्रपुरी एता देवतास्तिष्ठन्ति । यत्र रसातलपातालगङ्गारोहिणीकुण्डममृतकुण्डमित्यादिनानापुरी । यत्रान्नं सिद्वान्नम् । (1शूद्रादिस्पर्शदोषरहितं ब्रह्मादिसंस्कारापेक्षारहितं यत्र श्रीजगन्नाथस्य योगमित्यर्थः । "नाभ्या आसीत्" इति मन्त्रेण, "अन्नपतेऽन्नस्य" इति मन्त्रेण, "अन्नाद्याय व्यूहध्वं सोमो राजाय भागमत्समे सुखं प्रमार्यते यशसा च बलेन च" इति मन्त्रेण, "विश्वकर्मणि स्वाहा" इति मन्त्रेण, "आपो ज्योती रसोऽमृतं ब्रह्म भूर्भुवः सुवरोम्" इति मन्त्रेण, "पृथिवी ते पात्रं द्यौरपिधानं ब्रह्मणस्त्वा मुखे जुहोमि स्वाहा" इति मन्त्रेण, "अन्नं ब्रह्म" इति श्रुत्या च कैवल्यमुक्तिरुच्यते । यत्रान्नं ब्रह्म परमं पवित्रं शान्तो रसः कैवल्यमुक्तिः सिद्धा भूर्भुवस्स्वर्महत्तत्त्वमित्यादि यत्र भार्गवी यमुना समुद्रममृतमयं बृन्दावनानि नीलपर्वतगोवर्धनसिंहासनं प्रासादो मणिमण्टपो विमलादिषोडशचण्डिकागोप्यो यत्र समुद्रतीरे च निरन्तरं कामधेनुबृन्दं यत्र नृसिंहादयो देवता आवरणानि यत्र न जरा न मृत्युर्न कालो न भङ्गो न जयो न विवादो न हिंसा न शान्तिर्न स्वप्न एवं लीलाकामशरीरी स्वविनोदार्थं भक्तैः सहोत्कण्ठितैस्तत्र क्रीडति कृष्णः । )

Transliteration

atha puruṣottamo yasyāṃ niśāyāṃ turīyaṃ sākṣādbrahma | yatra paramasaṃnyāsasvarūpaḥ kṛṣṇaḥ kalpapādapaḥ | yatra lakṣmīrjāmbavatī rādhikā vimalā candrāvalīsarasvatī lalitādiriti | sākṣādbrahmasvarūpo jagannāthaḥ ahaṃśeṣāṃśajyotīrūpaḥ sudarśano bhaktaśca | evaṃ pañcadhā vibhṛtamiti | yatra ca mathurā gokulaṃ dvārakā vaikuṇṭhapurī śvetapurī rāmapurī yamapurī narasiṃhapurī naranārāyaṇapurī kuberapurī gaṇeśapurī śakrapurī etā devatāstiṣṭhanti | yatra rasātalapātālagaṅgārohiṇīkuṇḍamamṛtakuṇḍamityādinānāpurī | yatrānnaṃ sidvānnam | (1śūdrādisparśadoṣarahitaṃ brahmādisaṃskārāpekṣārahitaṃ yatra śrījagannāthasya yogamityarthaḥ | "nābhyā āsīt" iti mantreṇa, "annapate'nnasya" iti mantreṇa, "annādyāya vyūhadhvaṃ somo rājāya bhāgamatsame sukhaṃ pramāryate yaśasā ca balena ca" iti mantreṇa, "viśvakarmaṇi svāhā" iti mantreṇa, "āpo jyotī raso'mṛtaṃ brahma bhūrbhuvaḥ suvarom" iti mantreṇa, "pṛthivī te pātraṃ dyaurapidhānaṃ brahmaṇastvā mukhe juhomi svāhā" iti mantreṇa, "annaṃ brahma" iti śrutyā ca kaivalyamuktirucyate | yatrānnaṃ brahma paramaṃ pavitraṃ śānto rasaḥ kaivalyamuktiḥ siddhā bhūrbhuvassvarmahattattvamityādi yatra bhārgavī yamunā samudramamṛtamayaṃ bṛndāvanāni nīlaparvatagovardhanasiṃhāsanaṃ prāsādo maṇimaṇṭapo vimalādiṣoḍaśacaṇḍikāgopyo yatra samudratīre ca nirantaraṃ kāmadhenubṛndaṃ yatra nṛsiṃhādayo devatā āvaraṇāni yatra na jarā na mṛtyurna kālo na bhaṅgo na jayo na vivādo na hiṃsā na śāntirna svapna evaṃ līlākāmaśarīrī svavinodārthaṃ bhaktaiḥ sahotkaṇṭhitaistatra krīḍati kṛṣṇaḥ | )

By System Admin

Translation

Draft in progress