18 shlokas
- 1
प्रणौमि परया भक्त्या प्रकृष्टविभुतां विभुम्
नाशोत्पादस्थितिप्रष्टं परब्रह्म निरञ्जनम्
praṇaumi parayā bhaktyā prakṛṣṭavibhutāṃ vibhum
nāśotpādasthitipraṣṭaṃ parabrahma nirañjanam
- 2
मदीयमानसाम्भोजराजहंससमप्रभम्
सदा प्रमोदपीयूषसिन्धुकेलिकलाकुलम्
madīyamānasāmbhojarājahaṃsasamaprabham
sadā pramodapīyūṣasindhukelikalākulam
- 3
अग्निश्छागरथो वह्निः कृशानुः पावकः शिखी
चित्रभानुश्च दमुना धनंजयहुताशनौ
agniśchāgaratho vahniḥ kṛśānuḥ pāvakaḥ śikhī
citrabhānuśca damunā dhanaṃjayahutāśanau
- 4
धूमध्वजो बृहद्भानुर्ज्वालाजिह्वस्तनूनपात्
वैश्वानरः सप्तमन्त्रो जातवेदास्तरीरपि
dhūmadhvajo bṛhadbhānurjvālājihvastanūnapāt
vaiśvānaraḥ saptamantro jātavedāstarīrapi
- 5
ज्वलनो जागृविर्बर्हिः कृष्णवर्त्मानलौ शुचिः
शुष्मदस्मौ तथा वीतिहोत्रानिलसखौ वसुः
jvalano jāgṛvirbarhiḥ kṛṣṇavartmānalau śuciḥ
śuṣmadasmau tathā vītihotrānilasakhau vasuḥ
- 6
शुक्रो विभावसुः केशश्चित्रभानुर् उषर्बुधः
वृषाकपिः शमीगर्भो रोहिताश्वो विरोचनः
śukro vibhāvasuḥ keśaścitrabhānur uṣarbudhaḥ
vṛṣākapiḥ śamīgarbho rohitāśvo virocanaḥ
- 7
अर्चिष्मानाश्रयाशोऽपि विश्वप्सा बहुलो हरिः
तिथः कृपीटयोनिश्च तुत्थो हव्यवहः स्मृतः
arciṣmānāśrayāśo'pi viśvapsā bahulo hariḥ
tithaḥ kṛpīṭayoniśca tuttho havyavahaḥ smṛtaḥ
- 8
सप्तोदर्चिर् अप्पित्तं च हव्यवाहाशुशुक्षणी
पचनो हिरण्यरेता बर्हिर्ज्योतिस्तमोहरः
saptodarcir appittaṃ ca havyavāhāśuśukṣaṇī
pacano hiraṇyaretā barhirjyotistamoharaḥ
- 9
अग्निप्रिया स्मृताग्नायी स्वाहापि कथिता स्मृतौ
संवर्तकः समुद्राग्निर्वडवामुखबाडवौ
agnipriyā smṛtāgnāyī svāhāpi kathitā smṛtau
saṃvartakaḥ samudrāgnirvaḍavāmukhabāḍavau
- 10
वडवानल और्वोऽपि दवदाववनाग्नयः
इरंमदो मेघवह्निः करीषानलछागणौ
vaḍavānala aurvo'pi davadāvavanāgnayaḥ
iraṃmado meghavahniḥ karīṣānalachāgaṇau
- 11
तुषवह्नौ कुकूलः स्यात्तुल्यौ संतापसंज्वरौ
बाष्पे ऊष्माप्यथो वह्निजिह्वा कीला शिखार्चिषः
tuṣavahnau kukūlaḥ syāttulyau saṃtāpasaṃjvarau
bāṣpe ūṣmāpyatho vahnijihvā kīlā śikhārciṣaḥ
- 12
ज्वाला हेतिः शिखा वृद्धा झलक्का परिकीर्तिता
स्फुलिङ्गोल्कालातवह्निकणा ज्वालोल्मुके अपि
jvālā hetiḥ śikhā vṛddhā jhalakkā parikīrtitā
sphuliṅgolkālātavahnikaṇā jvālolmuke api
- 13
धूमो ऽम्भःसूवायुवाहौ करमालोऽग्निकेतनम्
अग्निवाहस्तरीः प्रोक्तस्तथा जीमूतवाह्यपि
dhūmo 'mbhaḥsūvāyuvāhau karamālo'gniketanam
agnivāhastarīḥ proktastathā jīmūtavāhyapi
- 14
श्रीमद्गढमलाङ्गोद्भूस्तेजोवर्गमरूपयत्
वायुः समीरणो वातो मातरिश्वा प्रभञ्जनः
śrīmadgaḍhamalāṅgodbhūstejovargamarūpayat
vāyuḥ samīraṇo vāto mātariśvā prabhañjanaḥ
- 15
समीरः पवनो नित्यगतिः कम्पाकमारुतौ
पृषदश्वो जगत्प्राणो नभस्वाननिलो मरुत्
samīraḥ pavano nityagatiḥ kampākamārutau
pṛṣadaśvo jagatprāṇo nabhasvānanilo marut
- 16
प्रकम्पनाशुगौ गन्धवहः समिर इत्यपि
नभःश्वासोऽहिकान्तोऽपि दैत्यदेवो महाबलः
prakampanāśugau gandhavahaḥ samira ityapi
nabhaḥśvāso'hikānto'pi daityadevo mahābalaḥ
- 17
स्पर्शनश्च हरिः प्रोक्तः पवमानसदागती
स झञ्झा वृष्टियुक्प्रोक्तः व्यानस्त्वङ्मात्रसंस्थितः
sparśanaśca hariḥ proktaḥ pavamānasadāgatī
sa jhañjhā vṛṣṭiyukproktaḥ vyānastvaṅmātrasaṃsthitaḥ
- 18
अपानः पृष्ठपार्ष्णिस्थ उदानो हृच्छिरोऽन्तरे
प्राणो हृन्नाभिनक्रस्थः समानो नाभिहृद्गतः
apānaḥ pṛṣṭhapārṣṇistha udāno hṛcchiro'ntare
prāṇo hṛnnābhinakrasthaḥ samāno nābhihṛdgataḥ

