नारायणादवतारा मन्त्ररूपा जायन्ते । ॐ नमो नारायणाय स्वाहा । एवं दशाक्षरो महामन्त्रो भवति । तत्र प्रथमो मत्स्यावतार: । द्वितीयः कूर्मः । तृतीयो वराहः । चतुर्थो नरसिम्हः । पञ्चमो वामनः । षष्ठो जमदग्निः । सप्तमो रामचन्द्रः । अष्टमः कृष्णः परमात्मा । नवमो बुद्धावतारः । दशमः कल्किर्जनार्दनः । ॐ मत्स्यावताराय नमः । श्रीं कूर्मावताराय नमः । ह्रीं वराहावताराय नमः । हुं नृसिंहावताराय नमः ।सौः वामनावताराय नमः । ऐं परशुरामावताराय नमः । ग्लौं रामचन्द्राय नमः । क्लीं कृष्णाय नमः । ब्लूं बुद्धावताराय नमः । सः कल्क्यवताराय नमः इति । प्रजापतिः प्रजायते । तस्मान्नारायणः प्रजायते । ब्रह्मा जायते । ब्रह्मणःसकाशात् पञ्चमहाभूतानि तन्मात्राणि जायन्ते । ज्ञानेन्द्रियकर्मेन्द्रियाणि मनोबुद्धिचित्ताहंकारा जायन्ते । प्रकृतिर्जायते । चतुर्विंशतितत्त्वात्मको नारायणः । पञ्चविंशतितत्त्वात्मकः पुरुषत्वं परब्रह्म भवेत् । शिवश्च नारायणः । शक्रश्च नारायणः । दिशश्च नारायणः । ऊर्ध्वञ्च नारायण: । अन्तश्च नारायणः । नारायणः सर्वं खल्विदं ब्रह्म । तस्मान्नारायणादण्डजस्वेदजोद्भिज्जजरायुजमनसिजादयः सर्वे महाभूताः प्रजायन्ते ॥
Transliteration
nārāyaṇādavatārā mantrarūpā jāyante | oṃ namo nārāyaṇāya svāhā | evaṃ daśākṣaro mahāmantro bhavati | tatra prathamo matsyāvatāra: | dvitīyaḥ kūrmaḥ | tṛtīyo varāhaḥ | caturtho narasimhaḥ | pañcamo vāmanaḥ | ṣaṣṭho jamadagniḥ | saptamo rāmacandraḥ | aṣṭamaḥ kṛṣṇaḥ paramātmā | navamo buddhāvatāraḥ | daśamaḥ kalkirjanārdanaḥ | oṃ matsyāvatārāya namaḥ | śrīṃ kūrmāvatārāya namaḥ | hrīṃ varāhāvatārāya namaḥ | huṃ nṛsiṃhāvatārāya namaḥ |sauḥ vāmanāvatārāya namaḥ | aiṃ paraśurāmāvatārāya namaḥ | glauṃ rāmacandrāya namaḥ | klīṃ kṛṣṇāya namaḥ | blūṃ buddhāvatārāya namaḥ | saḥ kalkyavatārāya namaḥ iti | prajāpatiḥ prajāyate | tasmānnārāyaṇaḥ prajāyate | brahmā jāyate | brahmaṇaḥsakāśāt pañcamahābhūtāni tanmātrāṇi jāyante | jñānendriyakarmendriyāṇi manobuddhicittāhaṃkārā jāyante | prakṛtirjāyate | caturviṃśatitattvātmako nārāyaṇaḥ | pañcaviṃśatitattvātmakaḥ puruṣatvaṃ parabrahma bhavet | śivaśca nārāyaṇaḥ | śakraśca nārāyaṇaḥ | diśaśca nārāyaṇaḥ | ūrdhvañca nārāyaṇa: | antaśca nārāyaṇaḥ | nārāyaṇaḥ sarvaṃ khalvidaṃ brahma | tasmānnārāyaṇādaṇḍajasvedajodbhijjajarāyujamanasijādayaḥ sarve mahābhūtāḥ prajāyante ||
By System Admin
Translation
Draft in progress