Sanskrit

Maitrayani Samhita · Mantra 8 3.11.8.2

3.11.8.2

त्रया देवा एकादश त्रयस्त्रिंशाः सुराधसः

बृहस्पतिपुरोहिता देवस्य सवितुः सवे

देवा देवैर् अवन्तु त्वा

प्रथमास्त्वा द्वितीयैर् अभिषिञ्चन्तु

द्वितीयास्त्वा तृतीयैः

तृतीयास्त्वा सत्येन

सत्यं त्वा ब्रह्मणा

ब्रह्म त्वा यजुर्भिः

यजूंषि त्वा सामभिः

सामानि त्वा ऋग्भिः

ऋचस्त्वा पुरोनुवाक्याभिः

पुरोनुवाक्यास्त्वा याज्याभिः

याज्यास्त्वा वषट्कारैः

वषट्कारास्त्वाहुतिभिर् अभिषिञ्चन्तु

आहुतयस्ते कामान्त्समर्धयन्त्व् असौ

अश्विनोस्त्वा तेजसा ब्रह्मवर्चसायाभिषिञ्चामि

सरस्वत्यास्त्वा वीर्येण यशसे ऽन्नाद्यायाभिषिञ्चामि

इन्द्रस्य त्वेन्द्रियेणौजसे बलायाभिषिञ्चामि

भूः स्वाहा

शिरो मे श्रीर्यशो मुखं त्विषिः केशाश्च श्मश्रूणि

राजा मे प्राणो अमृतं सम्राट्चक्षुर्विराट्श्रोत्रम्

Transliteration

trayā devā ekādaśa trayastriṃśāḥ surādhasaḥ

bṛhaspatipurohitā devasya savituḥ save

devā devair avantu tvā

prathamāstvā dvitīyair abhiṣiñcantu

dvitīyāstvā tṛtīyaiḥ

tṛtīyāstvā satyena

satyaṃ tvā brahmaṇā

brahma tvā yajurbhiḥ

yajūṃṣi tvā sāmabhiḥ

sāmāni tvā ṛgbhiḥ

ṛcastvā puronuvākyābhiḥ

puronuvākyāstvā yājyābhiḥ

yājyāstvā vaṣaṭkāraiḥ

vaṣaṭkārāstvāhutibhir abhiṣiñcantu

āhutayaste kāmāntsamardhayantv asau

aśvinostvā tejasā brahmavarcasāyābhiṣiñcāmi

sarasvatyāstvā vīryeṇa yaśase 'nnādyāyābhiṣiñcāmi

indrasya tvendriyeṇaujase balāyābhiṣiñcāmi

bhūḥ svāhā

śiro me śrīryaśo mukhaṃ tviṣiḥ keśāśca śmaśrūṇi

rājā me prāṇo amṛtaṃ samrāṭcakṣurvirāṭśrotram

By System Admin

Translation

Draft in progress