Sanskrit

Maitrayani Samhita · Mantra 15 2.7.15.15

2.7.15.15

इन्द्रस्य त्वौजसा सादयामि

तया देवतयाङ्गिरस्वद्ध्रुवा सीद

ध्रुवासि धरुणा

अस्तृता विश्वकर्मणा सुधृता

मा त्वा समुद्र उद्वधीन्मा सुपर्णः

अव्यथमाना पृथिवीं दृंह

तेजो ऽसि

तेजो मे यच्छ

पृथिवीं यच्छ

पृथिवीं दृंह

पृथिवीं मा हिंसीः

पृथिव्या मा पाहि

ज्योतिर् असि

ज्योतिर्मे यच्छ

अन्तरिक्षं यच्छ

अन्तरिक्षं दृंह

अन्तरिक्षं मा हिंसीः

अन्तरिक्षान्मा पाहि

स्वर् असि

स्वर्मे यच्छ

दिवं यच्छ

दिवं दृंह

दिवं मा हिंसीः

दिवो मा पाहि

यास्ते अग्न आर्द्रा योनयो याः कुलायिनीर्ये ते अग्ना इन्दवो या उ नाभयः

ताभिष्ट्वम् उभयीभिः संविदानः प्रजानंस्तन्वेह निषीद

Transliteration

indrasya tvaujasā sādayāmi

tayā devatayāṅgirasvaddhruvā sīda

dhruvāsi dharuṇā

astṛtā viśvakarmaṇā sudhṛtā

mā tvā samudra udvadhīnmā suparṇaḥ

avyathamānā pṛthivīṃ dṛṃha

tejo 'si

tejo me yaccha

pṛthivīṃ yaccha

pṛthivīṃ dṛṃha

pṛthivīṃ mā hiṃsīḥ

pṛthivyā mā pāhi

jyotir asi

jyotirme yaccha

antarikṣaṃ yaccha

antarikṣaṃ dṛṃha

antarikṣaṃ mā hiṃsīḥ

antarikṣānmā pāhi

svar asi

svarme yaccha

divaṃ yaccha

divaṃ dṛṃha

divaṃ mā hiṃsīḥ

divo mā pāhi

yāste agna ārdrā yonayo yāḥ kulāyinīrye te agnā indavo yā u nābhayaḥ

tābhiṣṭvam ubhayībhiḥ saṃvidānaḥ prajānaṃstanveha niṣīda

By System Admin

Translation

Draft in progress