Sanskrit

Maitrayani Samhita · Mantra 6 2.2.6.1

2.2.6.1

अग्नये वसुमते सतीनानाम् अष्टाकपालं निर्वपेत्

सोमाय रुद्रवते श्यामाकं चरुम्

इन्द्राय मरुत्वते नैवारम् एकादशकपालम्

वरुणायादित्यवते यवमयं चरुम्

देवा अन्योन्यस्य श्रैष्ठ्ये ऽतिष्ठमानाश्चतुर्धा व्युदक्रामन्

अग्निर्वसुभिः सोमो रुद्रैर् इन्द्रो मरुद्भिर्वरुण आदित्यैः

तान्वा एतया बृहस्पतिर् अयाजयत्संज्ञान्या

त इन्द्रम् एवाभिसमावर्तन्त

इन्द्रम् अभिसमजानत

तद्य एतया यजते तम् एवाभिसमावर्तन्ते

तम् अभिसंजानते

तद् आहुः

ऐन्द्र एकादशकपालः कार्या इति

इन्द्रं हि ते ऽभिसमावर्तन्त

इन्द्रम् अभिसमजानत

Transliteration

agnaye vasumate satīnānām aṣṭākapālaṃ nirvapet

somāya rudravate śyāmākaṃ carum

indrāya marutvate naivāram ekādaśakapālam

varuṇāyādityavate yavamayaṃ carum

devā anyonyasya śraiṣṭhye 'tiṣṭhamānāścaturdhā vyudakrāman

agnirvasubhiḥ somo rudrair indro marudbhirvaruṇa ādityaiḥ

tānvā etayā bṛhaspatir ayājayatsaṃjñānyā

ta indram evābhisamāvartanta

indram abhisamajānata

tadya etayā yajate tam evābhisamāvartante

tam abhisaṃjānate

tad āhuḥ

aindra ekādaśakapālaḥ kāryā iti

indraṃ hi te 'bhisamāvartanta

indram abhisamajānata

By System Admin

Translation

Draft in progress