Maitrayani Samhita · Mantra 36 1.3.36.2
1.3.36.2अग्नये त्वा प्रवृहामि गायत्रेण छन्दसा
इन्द्राय त्वा प्रवृहामि त्रैष्टुभेन छन्दसा
आदित्येभ्यस्त्वा प्रवृहामि जागतेन छन्दसा
रेशीनां त्वा पत्मन्न् आधूनोमि
मान्दानां त्वा पत्मन्न् आधूनोमि
भन्दनानां त्वा पत्मन्न् आधूनोमि
पूतनानां त्वा पत्मन्न् आधूनोमि
पस्त्यानां त्वा पत्मन्न् आधूनोमि
माध्वीनां त्वा पत्मन्न् आधूनोमि
मदुघानां त्वा पत्मन्न् आधूनोमि
देवयानीनां त्वा पत्मन्न् आधूनोमि
उपयामगृहीतो ऽसि
शुक्रं त्वा शुक्र शुक्राय गृह्णाम्य् अह्नो रूपे सूर्यस्य रश्मिषु
Transliteration
agnaye tvā pravṛhāmi gāyatreṇa chandasā
indrāya tvā pravṛhāmi traiṣṭubhena chandasā
ādityebhyastvā pravṛhāmi jāgatena chandasā
reśīnāṃ tvā patmann ādhūnomi
māndānāṃ tvā patmann ādhūnomi
bhandanānāṃ tvā patmann ādhūnomi
pūtanānāṃ tvā patmann ādhūnomi
pastyānāṃ tvā patmann ādhūnomi
mādhvīnāṃ tvā patmann ādhūnomi
madughānāṃ tvā patmann ādhūnomi
devayānīnāṃ tvā patmann ādhūnomi
upayāmagṛhīto 'si
śukraṃ tvā śukra śukrāya gṛhṇāmy ahno rūpe sūryasya raśmiṣu
By System Admin
Translation
Draft in progress