40 shlokas
- 1
देव्य् उवाच
देवदेव महादेव महाकारुणिक प्रभो
योगिनाम्किं सदा सेव्यम्कौलानां वरपुष्टिदम्
devy uvāca
devadeva mahādeva mahākāruṇika prabho
yogināmkiṃ sadā sevyamkaulānāṃ varapuṣṭidam
- 2
मनश्चाञ्चल्यहरणम्किं समाधिफलप्रदम्
वदस्व तद् अशेषेण यद्य् अहं तव वल्लभा
manaścāñcalyaharaṇamkiṃ samādhiphalapradam
vadasva tad aśeṣeṇa yady ahaṃ tava vallabhā
- 3
शिव उवाच
अकथ्यम् एतत्चार्वङ्गि देवासुरनरेष्व् अपि
कथयामि तव प्रीत्या गुह्याद्गुह्यतरम्महत्
śiva uvāca
akathyam etatcārvaṅgi devāsuranareṣv api
kathayāmi tava prītyā guhyādguhyatarammahat
- 4
श्रुत्वा त्वयापि गोप्तव्यम्यत्नेन पशुसंकटे
वलो नाम महान् आसीद् असुरो बलवान्पुरा
śrutvā tvayāpi goptavyamyatnena paśusaṃkaṭe
valo nāma mahān āsīd asuro balavānpurā
- 5
जित्वा सुरगणान्सर्वान् इन्द्रो ऽभूत्स्वयम् एव सः
ततः पलायिताः सर्वे भयोद्विग्ना दिवौकसः
jitvā suragaṇānsarvān indro 'bhūtsvayam eva saḥ
tataḥ palāyitāḥ sarve bhayodvignā divaukasaḥ
- 6
पुरंदरम्पुरोधाय मन्त्रयित्वा सुनिश्चितम्
नान्यो ऽस्ति तस्माद् अस्माकम्ततः श्रीमधुसूदनात्
puraṃdarampurodhāya mantrayitvā suniścitam
nānyo 'sti tasmād asmākamtataḥ śrīmadhusūdanāt
- 7
इति संचिन्त्य ते सर्वे प्रययुः परमेश्वरम्
संस्तूयमानम् ऋषिभिः सिद्धकिंनरसेवितम्
iti saṃcintya te sarve prayayuḥ parameśvaram
saṃstūyamānam ṛṣibhiḥ siddhakiṃnarasevitam
- 8
तं दृष्ट्वा पुण्डरिकाक्षं प्रणम्य दण्डवद्भुवि
ऊचुः प्राञ्जलयश्चैते देवाः शक्रपुरोगमाः
taṃ dṛṣṭvā puṇḍarikākṣaṃ praṇamya daṇḍavadbhuvi
ūcuḥ prāñjalayaścaite devāḥ śakrapurogamāḥ
- 9
नमो ऽस्तु हरये तुभ्यम्सर्वदुःखहराय च
सुराणाम् आर्तिनाशाय सर्वेशाय नमो नमः
namo 'stu haraye tubhyamsarvaduḥkhaharāya ca
surāṇām ārtināśāya sarveśāya namo namaḥ
- 10
नमस्त्रिमूर्तये तुभ्यम्सृष्टिस्थित्यन्तकारिणे
गुणातीताय शुद्धाय परतो ऽपि पराय च
namastrimūrtaye tubhyamsṛṣṭisthityantakāriṇe
guṇātītāya śuddhāya parato 'pi parāya ca
- 11
सर्वात्मने नमस्ते ऽस्तु सर्वशक्तियुताय ते
सर्वज्ञाय सर्वलोकसाक्षिणे ते नमो नमः
sarvātmane namaste 'stu sarvaśaktiyutāya te
sarvajñāya sarvalokasākṣiṇe te namo namaḥ
- 12
इति स्तुत्वा च सकलम्तद्वृत्तान्तम्न्यवेदयन्
शरणम्त्वाम्गताः सर्वे त्राहि नश्चैव नित्यशः
iti stutvā ca sakalamtadvṛttāntamnyavedayan
śaraṇamtvāmgatāḥ sarve trāhi naścaiva nityaśaḥ
- 13
दुराचारो वलो मृत्युम्यथा यात्य् अचिरेण सः
रक्षास्माकं च शक्रस्य तथा कर्तुं त्वम् अर्हसि
durācāro valo mṛtyumyathā yāty acireṇa saḥ
rakṣāsmākaṃ ca śakrasya tathā kartuṃ tvam arhasi
- 14
श्रुत्वेदम्वचनम्तेषाम् इदम् आह पुरंदरम्
वृत्तान्तम् एतज्जानामि वलस्यास्य दुरात्मनः
śrutvedamvacanamteṣām idam āha puraṃdaram
vṛttāntam etajjānāmi valasyāsya durātmanaḥ
- 15
ब्रह्मणा न मया वापि न स वध्यः शिवेन वा
त्वयैव वध्यो भविता स दुरात्मा न संशयः
brahmaṇā na mayā vāpi na sa vadhyaḥ śivena vā
tvayaiva vadhyo bhavitā sa durātmā na saṃśayaḥ
- 16
एतत्सर्वम्महेशाय निवेदय पुरंदर
स एव भगवान्सर्वम् एतज्जानाति शंकरः
etatsarvammaheśāya nivedaya puraṃdara
sa eva bhagavānsarvam etajjānāti śaṃkaraḥ
- 17
तवाभिलषितं सर्वम्स विधास्यति गम्यताम्
प्रसाद्यताम्च यत्नेन त्वया सौभक्तवत्सलः
tavābhilaṣitaṃ sarvamsa vidhāsyati gamyatām
prasādyatāmca yatnena tvayā saubhaktavatsalaḥ
- 18
अथ प्रणम्य शक्रस्तम्समायातो ममान्तिकम्
आगत्य शुद्धभावो ऽसौ प्रणम्य च कृताञ्जलिः
atha praṇamya śakrastamsamāyāto mamāntikam
āgatya śuddhabhāvo 'sau praṇamya ca kṛtāñjaliḥ
- 19
तुष्टाव विविधैः स्तोत्रैर्भक्तिगद्गदभाषितैः
कैलासे निवसन्तम्मां ध्यानोपरतम् ईश्वरम्
tuṣṭāva vividhaiḥ stotrairbhaktigadgadabhāṣitaiḥ
kailāse nivasantammāṃ dhyānoparatam īśvaram
- 20
स्तोत्रपाठैर्बहुविधैस्तदुद्भवनिनादितैः
महद्भिः परितो ज्ञानं सर्वं तदवशेषतः
stotrapāṭhairbahuvidhaistadudbhavanināditaiḥ
mahadbhiḥ parito jñānaṃ sarvaṃ tadavaśeṣataḥ
- 21
अस्यैव वध्यः स वलो दुरात्मासौ भविष्यति
भविष्यम् एतद्विज्ञाय शक्रम् आहूय संनिधिम्
asyaiva vadhyaḥ sa valo durātmāsau bhaviṣyati
bhaviṣyam etadvijñāya śakram āhūya saṃnidhim
- 22
तस्मै तत्परमं ज्ञानम्दत्त्वावोचम् इदं वचः
त्रैलोक्यविजयाज्ञानम् एतत्त्रैलोक्यदुर्लभम्
tasmai tatparamaṃ jñānamdattvāvocam idaṃ vacaḥ
trailokyavijayājñānam etattrailokyadurlabham
- 23
त्रैलोक्यविजयाज्ञानाज्ज्ञानं नास्ति महेश्वरि
अशेषजाड्यहरणं परमात्मप्रकाशनम्
trailokyavijayājñānājjñānaṃ nāsti maheśvari
aśeṣajāḍyaharaṇaṃ paramātmaprakāśanam
- 24
अखण्डानन्दनिलयम् अद्वैतं परमं पदम्
मनःस्थैर्यकरं रोगशोकसंतापनाशनम्
akhaṇḍānandanilayam advaitaṃ paramaṃ padam
manaḥsthairyakaraṃ rogaśokasaṃtāpanāśanam
- 25
बलपुष्टिकरम्सम्यग्योगसिद्धिकरं परम्
निषेव्यताम् इयं संवित्स्थीयताम्च ममान्तिके
balapuṣṭikaramsamyagyogasiddhikaraṃ param
niṣevyatām iyaṃ saṃvitsthīyatāmca mamāntike
- 26
ततो गत्वा वत्सरान्ते स वलो जेष्यते त्वया
इत्य् एवम् उक्तः स मया प्राञ्जलिश्चेदम् अब्रवीत्
tato gatvā vatsarānte sa valo jeṣyate tvayā
ity evam uktaḥ sa mayā prāñjaliścedam abravīt
- 27
शक्र उवाच
देवदेव महादेव सर्वज्ञ सर्वतत्त्ववित्
विधिना केन सेव्येयं को वा मन्त्रो विशोधने
śakra uvāca
devadeva mahādeva sarvajña sarvatattvavit
vidhinā kena sevyeyaṃ ko vā mantro viśodhane
- 28
तर्पणे स्वीकृतौ मन्त्रः संविदः कृपया विभो
सर्वम् एतद् अशेषेण साङ्गोपाङ्गम्वदस्व मे
tarpaṇe svīkṛtau mantraḥ saṃvidaḥ kṛpayā vibho
sarvam etad aśeṣeṇa sāṅgopāṅgamvadasva me
- 29
श्रीशिव उवाच
शृणु शक्र महाभाग सर्वम् एतद्वदामि ते
श्रुत्वा गोपय यत्नेन तद् एवाचर नित्यशः
śrīśiva uvāca
śṛṇu śakra mahābhāga sarvam etadvadāmi te
śrutvā gopaya yatnena tad evācara nityaśaḥ
- 30
त्रैलोक्यविजयाख्याया नामानि प्रथमं क्रमात्
कथयामि तव स्नेहात् अतिगुह्यानि सर्वतः
trailokyavijayākhyāyā nāmāni prathamaṃ kramāt
kathayāmi tava snehāt atiguhyāni sarvataḥ

