10 shlokas
- 1
अथातः शान्तिं करिष्यन्रोगार्तो वा भयार्तो वा अयाज्यं वा याजयित्वा अप्रतिग्राह्यं वा प्रतिगृह्य त्रिरात्रम् उपोष्याहोरात्रं वा सावित्रीं चाभ्यावर्तयित्वा यावच्छक्नुयाद्गौरसर्षपकल्कैः स्नात्वा शुक्लम् अहतं वा वासः परिधाय स्रवन्तीभिर् अद्भिर् उदकुम्भं नवं भूर्भुवः स्वः इति पूरयित्वेतराभिर्वा गौरसर्षपदूर्वाव्रीहियवान् अवनीय गन्धमाल्यानां च यथोपपादम् अग्नये स्थालीपाकस्य हुत्वा सावित्र्या सहस्राद् ऊर्ध्वम् आ द्वादशात्सहस्रात्स्वशक्तितः संपातम् अभिजुहोति
athātaḥ śāntiṃ kariṣyanrogārto vā bhayārto vā ayājyaṃ vā yājayitvā apratigrāhyaṃ vā pratigṛhya trirātram upoṣyāhorātraṃ vā sāvitrīṃ cābhyāvartayitvā yāvacchaknuyādgaurasarṣapakalkaiḥ snātvā śuklam ahataṃ vā vāsaḥ paridhāya sravantībhir adbhir udakumbhaṃ navaṃ bhūrbhuvaḥ svaḥ iti pūrayitvetarābhirvā gaurasarṣapadūrvāvrīhiyavān avanīya gandhamālyānāṃ ca yathopapādam agnaye sthālīpākasya hutvā sāvitryā sahasrād ūrdhvam ā dvādaśātsahasrātsvaśaktitaḥ saṃpātam abhijuhoti
- 2
यावद्वा दोषनिवृत्तिः
yāvadvā doṣanivṛttiḥ
- 3
उत्तरेणाग्निं प्रागग्रेषु कुशेषु प्राङ्मुख उपविश्यापोहिष्ठीयाभिस्तिसृभिर् अभिषिञ्चेत्
uttareṇāgniṃ prāgagreṣu kuśeṣu prāṅmukha upaviśyāpohiṣṭhīyābhistisṛbhir abhiṣiñcet
- 4
शुक्लैर् अलंकृत्य महाव्याहृतयः सावित्रीं स्वस्त्ययनानि च जपित्वा मुच्यते सर्वपापेभ्यो रोगेभ्यश्च भयेभ्यश्च
śuklair alaṃkṛtya mahāvyāhṛtayaḥ sāvitrīṃ svastyayanāni ca japitvā mucyate sarvapāpebhyo rogebhyaśca bhayebhyaśca
- 5
व्याधितश्चेत्तद् अशक्तश्चेत्पिता भ्राता वाचार्यपुत्रशिष्याणाम् अन्यतमो वान्वारब्धे कुर्यात्
vyādhitaścettad aśaktaścetpitā bhrātā vācāryaputraśiṣyāṇām anyatamo vānvārabdhe kuryāt
- 6
मुञ्चामि त्वा हविषा जीवनाय कमिति त्रीणि सूक्तानि जपति पुरस्तात्स्वस्त्ययनानाम्
muñcāmi tvā haviṣā jīvanāya kamiti trīṇi sūktāni japati purastātsvastyayanānām
- 7
वरो दक्षिणा
varo dakṣiṇā
- 8
एवं गावो गोष्ठस्य मध्ये रुद्राय स्थालीपाकस्य हुत्वा रौद्रसूक्तैर् अग्निम् उपतिष्ठते
evaṃ gāvo goṣṭhasya madhye rudrāya sthālīpākasya hutvā raudrasūktair agnim upatiṣṭhate
- 9
संपाताभिः सौमश्रीभिः सावित्रीम् अपरिमितां जपेद्वेतसशाखाभिः कुशमुष्टिभिर्वा त्रिः प्रदक्षिणं प्रोक्षति गोसूक्तैर् उपस्थानं मुच्यते सर्वरोगेभ्यः
saṃpātābhiḥ saumaśrībhiḥ sāvitrīm aparimitāṃ japedvetasaśākhābhiḥ kuśamuṣṭibhirvā triḥ pradakṣiṇaṃ prokṣati gosūktair upasthānaṃ mucyate sarvarogebhyaḥ
- 10
अथ ब्राह्मणभोजनम्
atha brāhmaṇabhojanam

