Sanskrit

Kathaka Samhita · Anuvaka 9 12.9.4

12.9.4

उपयामगृहीतो ऽसि

अच्छिद्रां त्वाच्छिद्रेणाश्विभ्यां जुष्टां गृह्णामि

एष ते योनिः

अश्विभ्यां त्वा

उपयामगृहीतो ऽसि

अच्छिद्रां त्वाच्छिद्रेण सरस्वत्यै जुष्टां गृह्णामि

एष ते योनिः

सरस्वत्यै त्वा

उपयामगृहीतो ऽसि

अच्छिद्रां त्वाच्छिद्रेणेन्द्राय सुत्राम्णे जुष्टां गृह्णामि

एष ते योनिः

इन्द्राय त्वा सुत्राम्णे

स्वाद्वीं त्वा स्वादुनेति

ब्रह्मणैवैनां संसृजति

तिस्रो रात्रीस्संसृष्टा वसति

तिस्रो हि रात्रीस्सोमः क्रीतो वसति

अश्विभ्यां पच्यस्व सरस्वत्यै पच्यस्वेन्द्राय सुत्राम्णे पच्यस्वेति

एताभ्यो ह्य् एषा देवताभ्यः पच्यते

वायुः पूतः पवित्रेणेति

व्यृद्धस्यातिपवितस्यैतया पुनीयात्

एका पुरोरुक्

एकधैवास्मिन्वीर्यं दधाति

अनिरुक्ता प्राजापत्या

अनिरुक्तः प्रजापतिः

प्रजापतिम् एवाप्नोति

Transliteration

upayāmagṛhīto 'si

acchidrāṃ tvācchidreṇāśvibhyāṃ juṣṭāṃ gṛhṇāmi

eṣa te yoniḥ

aśvibhyāṃ tvā

upayāmagṛhīto 'si

acchidrāṃ tvācchidreṇa sarasvatyai juṣṭāṃ gṛhṇāmi

eṣa te yoniḥ

sarasvatyai tvā

upayāmagṛhīto 'si

acchidrāṃ tvācchidreṇendrāya sutrāmṇe juṣṭāṃ gṛhṇāmi

eṣa te yoniḥ

indrāya tvā sutrāmṇe

svādvīṃ tvā svāduneti

brahmaṇaivaināṃ saṃsṛjati

tisro rātrīssaṃsṛṣṭā vasati

tisro hi rātrīssomaḥ krīto vasati

aśvibhyāṃ pacyasva sarasvatyai pacyasvendrāya sutrāmṇe pacyasveti

etābhyo hy eṣā devatābhyaḥ pacyate

vāyuḥ pūtaḥ pavitreṇeti

vyṛddhasyātipavitasyaitayā punīyāt

ekā puroruk

ekadhaivāsminvīryaṃ dadhāti

aniruktā prājāpatyā

aniruktaḥ prajāpatiḥ

prajāpatim evāpnoti

By System Admin

Translation

Draft in progress