Kathaka Grhya Sutra · Chapter 12 12.1
12.1अमीवहा वास्तोष्पते विश्वा रूपाण्य् आविशन्
सखा सुशेव एधि नः
वास्तोष्पते प्रतिजानीह्य् अस्मान्स्वावेशो अनमीवो भवा नः
यत्त्वेमहि प्रति तन्नो जुषस्व शं नो भव द्विपदे शं चतुष्पदे
वास्तोष्पते प्रतरणो न एधि गयस्फानो गोभिर् अश्वेभिर् इन्दो
अजरासस्ते सख्ये स्याम पितेव पुत्रान्प्रति नो जुषस्व
वास्तोष्पते शग्मया संसदा ते सक्षीमहि रण्वया गातुमत्या
पाहि क्षेम उत योगे वरं नो यूयं पात स्वस्तिभिः सदा न इति
Transliteration
amīvahā vāstoṣpate viśvā rūpāṇy āviśan
sakhā suśeva edhi naḥ
vāstoṣpate pratijānīhy asmānsvāveśo anamīvo bhavā naḥ
yattvemahi prati tanno juṣasva śaṃ no bhava dvipade śaṃ catuṣpade
vāstoṣpate prataraṇo na edhi gayasphāno gobhir aśvebhir indo
ajarāsaste sakhye syāma piteva putrānprati no juṣasva
vāstoṣpate śagmayā saṃsadā te sakṣīmahi raṇvayā gātumatyā
pāhi kṣema uta yoge varaṃ no yūyaṃ pāta svastibhiḥ sadā na iti
By System Admin
Translation
Draft in progress