11 shlokas
- 1
श्यामाया आस्यसहस्रपत्त्राद् इति
śyāmāyā āsyasahasrapattrād iti
- 2
श्यामायाः कमलप्रसूनात् अनुप्राशनं प्रत्यक्षानुभवेन साक्षात्मूलप्रकृतेः स्वरूपानुदर्शने हेतुः कारणम् इति तया सह संप्राशने क्रियमाणे कृत्स्नस्य प्रपञ्चस्य कारणभूतायाः मूलप्रकृतेः साकं संगतो भवति
śyāmāyāḥ kamalaprasūnāt anuprāśanaṃ pratyakṣānubhavena sākṣātmūlaprakṛteḥ svarūpānudarśane hetuḥ kāraṇam iti tayā saha saṃprāśane kriyamāṇe kṛtsnasya prapañcasya kāraṇabhūtāyāḥ mūlaprakṛteḥ sākaṃ saṃgato bhavati
- 3
यद्वा तत्स्वरूपं साक्षाद् अव्यवधानेन पश्यतीत्य् अर्थः
yadvā tatsvarūpaṃ sākṣād avyavadhānena paśyatīty arthaḥ
- 4
अनेन वाक्येन सायुज्यादिकं फलम् अपि निरायासेन प्राप्नोतीत्य् अर्थः
anena vākyena sāyujyādikaṃ phalam api nirāyāsena prāpnotīty arthaḥ
- 5
रतिकाले सीधुपानं कर्तव्यं विधिबोधितम्
ratikāle sīdhupānaṃ kartavyaṃ vidhibodhitam
- 6
तत्पुरस्तात्कामशास्त्रे प्रोक्तं क्रीडानुवर्णनम्
tatpurastātkāmaśāstre proktaṃ krīḍānuvarṇanam
- 7
तत्सर्वं तु प्रकर्तव्यं योषायाः सुखलब्धये
tatsarvaṃ tu prakartavyaṃ yoṣāyāḥ sukhalabdhaye
- 8
स्वस्यापि सुखबोधाय अपत्योत्पत्तिहेतवे
svasyāpi sukhabodhāya apatyotpattihetave
- 9
फलद्वयं स प्राप्नोति प्रजां कामसुखं तथा
phaladvayaṃ sa prāpnoti prajāṃ kāmasukhaṃ tathā
- 10
उर्वशीलोकम् आप्नोति अन्तकाले तु सः पुमान्
urvaśīlokam āpnoti antakāle tu saḥ pumān
- 11
इति श्रीमहाराजर्षिवर्येण पुरूरवसा विरचितं कामिजनानां विनोदाय रतिविलासाङ्गभूतं कादम्बरस्वीकरणसूत्रं सव्याख्यानं समाप्तिम् अगमत्
iti śrīmahārājarṣivaryeṇa purūravasā viracitaṃ kāmijanānāṃ vinodāya rativilāsāṅgabhūtaṃ kādambarasvīkaraṇasūtraṃ savyākhyānaṃ samāptim agamat

