Hiranyakeshi Grhya Sutra · 2.13 2.13.1
2.13.1एष ते तत मधुमाꣳ ऊर्मिः सरस्वान्यावानग्निश्च पृथिवी च तावत्यस्य मात्रा तावानस्य महिमा तावन्तमेनं भूतं ददामि यथाग्निर् अक्षितो ऽनुपदस्त एवं मह्यं पित्रे ऽक्षितो ऽनुपदस्तः स्वधा भवतां तं स्वधाम् अक्षितं तैः सहोपजीवासावृचस्ते महिमा
एष ते पितामह मधुमाꣳ ऊर्मिः सरस्वान्यावान्वायुश्चान्तरिक्षं च तावत्यस्य मात्रा तावान् अस्य महिमा तावन्तमेनं भूतं ददामि यथा वायुरक्षितो ऽनुपदस्त एवं मह्यं पितामहायाक्षितो ऽनुपदस्तः स्वधा भवतां तं स्वधाम् अक्षितं तैः सहोपजीवासौ यजूंषि ते महिमा
एष ते प्रपितामह मधुमाꣳ ऊर्मिः सरस्वान्यावान् आदित्यश्च द्यौश्च तावत्यस्य मात्रा तावानस्य महिमा तावन्तमेनं भूतं ददामि यथादित्यो ऽक्षितो ऽनुपदस्त एवं मह्यं प्रपितामहायाक्षितो ऽनुपदस्तः स्वधा भवतां तं स्वधामक्षितं तैः सहोपजीवासौ सामानि ते महिमा
इति
Transliteration
eṣa te tata madhumām̐ ūrmiḥ sarasvānyāvānagniśca pṛthivī ca tāvatyasya mātrā tāvānasya mahimā tāvantamenaṃ bhūtaṃ dadāmi yathāgnir akṣito 'nupadasta evaṃ mahyaṃ pitre 'kṣito 'nupadastaḥ svadhā bhavatāṃ taṃ svadhām akṣitaṃ taiḥ sahopajīvāsāvṛcaste mahimā
eṣa te pitāmaha madhumām̐ ūrmiḥ sarasvānyāvānvāyuścāntarikṣaṃ ca tāvatyasya mātrā tāvān asya mahimā tāvantamenaṃ bhūtaṃ dadāmi yathā vāyurakṣito 'nupadasta evaṃ mahyaṃ pitāmahāyākṣito 'nupadastaḥ svadhā bhavatāṃ taṃ svadhām akṣitaṃ taiḥ sahopajīvāsau yajūṃṣi te mahimā
eṣa te prapitāmaha madhumām̐ ūrmiḥ sarasvānyāvān ādityaśca dyauśca tāvatyasya mātrā tāvānasya mahimā tāvantamenaṃ bhūtaṃ dadāmi yathādityo 'kṣito 'nupadasta evaṃ mahyaṃ prapitāmahāyākṣito 'nupadastaḥ svadhā bhavatāṃ taṃ svadhāmakṣitaṃ taiḥ sahopajīvāsau sāmāni te mahimā
iti
By System Admin
Translation
Draft in progress