12 shlokas
- 1
अथ कच्छपयन्त्रेण गन्धकजारणमुच्यते
atha kacchapayantreṇa gandhakajāraṇamucyate
- 2
तत्रादौ कच्छपयन्त्रमाह अथेति मृत्कुण्डे नीरं निक्षिपेत्तन्मध्ये मृत्कुण्डपिधानं शरावकं स्थापयेत्
tatrādau kacchapayantramāha atheti mṛtkuṇḍe nīraṃ nikṣipettanmadhye mṛtkuṇḍapidhānaṃ śarāvakaṃ sthāpayet
- 3
किंभूतं मध्यं मेखलया युतं त्र्यङ्गुलोन्नता मृद्रचिता मेखला मध्यं चूर्णेन लेपयेत्
kiṃbhūtaṃ madhyaṃ mekhalayā yutaṃ tryaṅgulonnatā mṛdracitā mekhalā madhyaṃ cūrṇena lepayet
- 4
तन्मध्ये पारदं दत्त्वा तुल्यगन्धकचूर्णं दत्त्वा उपरि शरावं दत्त्वा भस्मलवणमुद्राः कार्याश्चतुर्भिर् उत्पलैः पुटेत्
tanmadhye pāradaṃ dattvā tulyagandhakacūrṇaṃ dattvā upari śarāvaṃ dattvā bhasmalavaṇamudrāḥ kāryāścaturbhir utpalaiḥ puṭet
- 5
एवं षड्गुणं गन्धं जीर्यते
evaṃ ṣaḍguṇaṃ gandhaṃ jīryate
- 6
गन्धकसंगे विषं च देयम्
gandhakasaṃge viṣaṃ ca deyam
- 7
अत्र स्वर्णजारणं नोक्तं ग्रन्थान्तराल्लिख्यते अबीजजीर्णस्य मारितस्य दोषरूपत्वात्
तथाच
अजीर्णं शम्भुबीजं तु सूतकं यस्तु जारयेत्
ब्रह्महा स दुराचारी मम द्रोही महेश्वरि
atra svarṇajāraṇaṃ noktaṃ granthāntarāllikhyate abījajīrṇasya māritasya doṣarūpatvāt
tathāca
ajīrṇaṃ śambhubījaṃ tu sūtakaṃ yastu jārayet
brahmahā sa durācārī mama drohī maheśvari
- 8
अथ जारणम्
चतुःषष्ट्यांशं हेमपत्रं मायूरमायुना
विलिप्तं तप्तखल्वस्थं रसं दत्त्वा विमर्दयेत्
atha jāraṇam
catuḥṣaṣṭyāṃśaṃ hemapatraṃ māyūramāyunā
viliptaṃ taptakhalvasthaṃ rasaṃ dattvā vimardayet
- 9
पुनर्जम्बीरतोयेन ग्रासे ग्रासे त्वयं विधिः
शनैः संस्वेदयेद्भूयो बद्ध्वा सम्पुटकाञ्जिके
punarjambīratoyena grāse grāse tvayaṃ vidhiḥ
śanaiḥ saṃsvedayedbhūyo baddhvā sampuṭakāñjike
- 10
भाण्डिके त्रिदिनं स्थाप्य सूतं जीर्णं समुद्धरेत्
अधिकं तोलितं चेत्स्यात्पुनः स्वेद्यं समावधि
bhāṇḍike tridinaṃ sthāpya sūtaṃ jīrṇaṃ samuddharet
adhikaṃ tolitaṃ cetsyātpunaḥ svedyaṃ samāvadhi
- 11
द्वात्रिंशत्षोडशाष्टांशं क्रमेण वसुजारणम्
रूप्यादिषु च सत्त्वेषु विधिरेवं परं स्मृतः
dvātriṃśatṣoḍaśāṣṭāṃśaṃ krameṇa vasujāraṇam
rūpyādiṣu ca sattveṣu vidhirevaṃ paraṃ smṛtaḥ
- 12
मायूरमायुना मायूरपित्तेन च हेमपत्रं सुस्वर्णम्
māyūramāyunā māyūrapittena ca hemapatraṃ susvarṇam

