grabh upanishad · Chapter 1 1.4
1.4ऋतुकाले सम्प्रयोगाद् एकरात्रोषितं कललं भवति सप्तरात्रोषितं बुद्बुदम् अर्धमासाभ्यन्तरे पिण्डं मासाभ्यन्तरे कठिनं मासद्वयेन शिरः मासत्रयेण पादप्रदेशः चतुर्थे गुल्फजठरकटिप्रदेशाः पञ्चमे पृष्ठवंशः षष्ठे मुखनासिकाक्षिश्रोत्राणि सप्तमे जीवेन संयुक्तः अष्टमे सर्वलक्षणसम्पूर्णः
पितू रेतोऽतिरेकात्पुरुषः मातू रेतोऽतिरेकात्स्त्री उभयोर्वोजतुल्यत्वान्नपुंसकं व्याकुलितमनसो ऽन्धाः खञ्चाः कुब्जा वामना भवन्ति
अन्योन्यवायुपरिपीडितशुक्रद्वैध्याद्द्विधा तनू स्याद्युग्माः प्रजायन्ते
पञ्चात्मकः समर्थः पञ्चात्मिका चेतसा बुद्धिर्गन्धरसादिज्ञानाक्षराक्षरम् ॐकारं चिन्तयतीति तद् एकाक्षरं ज्ञात्वाष्टौ प्रकृतयः षोडश विकाराः शरीरे तस्यैव देहिनः
अथ मात्राशितपीतनाडीसूत्रगतेन प्राण आप्यायते
अथ नवमे मासि सर्वलक्षणज्ञानसम्पूर्णो भवति पूर्वजातिं स्मरति शुभाशुभं च कर्म विन्दति
Transliteration
ṛtukāle samprayogād ekarātroṣitaṃ kalalaṃ bhavati saptarātroṣitaṃ budbudam ardhamāsābhyantare piṇḍaṃ māsābhyantare kaṭhinaṃ māsadvayena śiraḥ māsatrayeṇa pādapradeśaḥ caturthe gulphajaṭharakaṭipradeśāḥ pañcame pṛṣṭhavaṃśaḥ ṣaṣṭhe mukhanāsikākṣiśrotrāṇi saptame jīvena saṃyuktaḥ aṣṭame sarvalakṣaṇasampūrṇaḥ
pitū reto'tirekātpuruṣaḥ mātū reto'tirekātstrī ubhayorvojatulyatvānnapuṃsakaṃ vyākulitamanaso 'ndhāḥ khañcāḥ kubjā vāmanā bhavanti
anyonyavāyuparipīḍitaśukradvaidhyāddvidhā tanū syādyugmāḥ prajāyante
pañcātmakaḥ samarthaḥ pañcātmikā cetasā buddhirgandharasādijñānākṣarākṣaram oṃkāraṃ cintayatīti tad ekākṣaraṃ jñātvāṣṭau prakṛtayaḥ ṣoḍaśa vikārāḥ śarīre tasyaiva dehinaḥ
atha mātrāśitapītanāḍīsūtragatena prāṇa āpyāyate
atha navame māsi sarvalakṣaṇajñānasampūrṇo bhavati pūrvajātiṃ smarati śubhāśubhaṃ ca karma vindati
By System Admin
Translation
Draft in progress