22 shlokas
- 1
अथ सवानां व्याख्यातो बृहस्पतिसवः
atha savānāṃ vyākhyāto bṛhaspatisavaḥ
- 2
वैश्यः पुष्टिकामः
vaiśyaḥ puṣṭikāmaḥ
- 3
आग्नेयादीनि सप्त हवींषि निर्वपति
āgneyādīni sapta havīṃṣi nirvapati
- 4
पृश्निः पष्ठौही मारुत्य् आलभ्यते
pṛśniḥ paṣṭhauhī māruty ālabhyate
- 5
तस्याः पुरस्तात्स्विष्टकृतो यजमानायतन ऋषभचर्म प्राचीनग्रीवम् उत्तरलोमास्तीर्य तस्मिन्न् आसीनं यजमानं दध्नाभिषिञ्चति
tasyāḥ purastātsviṣṭakṛto yajamānāyatana ṛṣabhacarma prācīnagrīvam uttaralomāstīrya tasminn āsīnaṃ yajamānaṃ dadhnābhiṣiñcati
- 6
ब्राह्मणो ब्रह्मवर्चसकामः
brāhmaṇo brahmavarcasakāmaḥ
- 7
आग्नेयादीन्य् अष्टौ हवींषि निर्वपति
āgneyādīny aṣṭau havīṃṣi nirvapati
- 8
पुरस्तात्स्विष्टकृतो हिरण्येन घृतम् उत्पूय तेन कृष्णाजिन आसीनम् अभिषिञ्चति
purastātsviṣṭakṛto hiraṇyena ghṛtam utpūya tena kṛṣṇājina āsīnam abhiṣiñcati
- 9
अथ सोमसवः
atha somasavaḥ
- 10
यत्किंच राजसूयम् ऋते सोमं तत्सर्वं भवति
yatkiṃca rājasūyam ṛte somaṃ tatsarvaṃ bhavati
- 11
मैत्राबार्हस्पत्यं संस्थाप्य सौमीं सूतवशाम् आलभते
maitrābārhaspatyaṃ saṃsthāpya saumīṃ sūtavaśām ālabhate
- 12
तस्याः पुरस्तात्स्विष्टकृतो ऽषाढं युत्सु पृतनासु पप्रिम् इति सौम्यर्चाद्भिर् अभिषिञ्चति
tasyāḥ purastātsviṣṭakṛto 'ṣāḍhaṃ yutsu pṛtanāsu paprim iti saumyarcādbhir abhiṣiñcati
- 13
शेषं संस्थाप्य संसृपां हविर्भिर्दिशाम् अवेष्ट्या द्विपशुना पशुबन्धेन सात्यदूतानां हविर्भिः प्रयुजाम् इति यजते
śeṣaṃ saṃsthāpya saṃsṛpāṃ havirbhirdiśām aveṣṭyā dvipaśunā paśubandhena sātyadūtānāṃ havirbhiḥ prayujām iti yajate
- 14
पृथिसवेन पशुकामः
pṛthisavena paśukāmaḥ
- 15
यत्किंच राजसूयम् अनुत्तरवेदिकं तत्सर्वं भवति
yatkiṃca rājasūyam anuttaravedikaṃ tatsarvaṃ bhavati
- 16
मैत्राबार्हस्पत्यस्य पुरस्तात्स्विष्टकृतो ये मे पञ्चाशतम् इति नाराशंस्यर्चाद्भिर् अभिषिञ्चति
maitrābārhaspatyasya purastātsviṣṭakṛto ye me pañcāśatam iti nārāśaṃsyarcādbhir abhiṣiñcati
- 17
समानम् उत्तरं पूर्वेण पशुबन्धवर्जम्
samānam uttaraṃ pūrveṇa paśubandhavarjam
- 18
व्याख्यातो गोसवः
vyākhyāto gosavaḥ
- 19
ओदनसवेनान्नाद्यकामः
odanasavenānnādyakāmaḥ
- 20
रोहिण्यां यजतोपव्युषं श्रपयति
rohiṇyāṃ yajatopavyuṣaṃ śrapayati
- 21
दर्विहोमो भवति
darvihomo bhavati
- 22
उदित आदित्ये सिंहे व्याघ्र इति चतस्र आहुतीर् ओदनाद्धुत्वा राड् असि विराड् असीत्य् एतैः प्रतिमन्त्रम्
udita āditye siṃhe vyāghra iti catasra āhutīr odanāddhutvā rāḍ asi virāḍ asīty etaiḥ pratimantram

