14 shlokas
- 1
यो रुद्रो अग्नाव् इति रौद्रं गावीधुकं चरुम्
yo rudro agnāv iti raudraṃ gāvīdhukaṃ carum
- 2
एतेन यजुषा यस्याम् इष्टकायां शतरुद्रीयं जुहोति तस्यां प्रतिष्ठापयति
etena yajuṣā yasyām iṣṭakāyāṃ śatarudrīyaṃ juhoti tasyāṃ pratiṣṭhāpayati
- 3
तिसृधन्वम् अयाचितं यजमानो ब्राह्मणाय दत्त्वा यत्ते रुद्र पुरो धनुर् इत्य् एतैर्यथालिङ्गम् उपतिष्ठते
tisṛdhanvam ayācitaṃ yajamāno brāhmaṇāya dattvā yatte rudra puro dhanur ity etairyathāliṅgam upatiṣṭhate
- 4
उदकुम्भम् आदायाध्वर्युर् अश्मन्न् ऊर्जम् इति त्रिः प्रदक्षिणम् अग्निं परिषिञ्चन्पर्येति
udakumbham ādāyādhvaryur aśmann ūrjam iti triḥ pradakṣiṇam agniṃ pariṣiñcanparyeti
- 5
निधाय कुम्भम् अश्मंस्ते क्षुद् अमुं ते शुग् ऋच्छतु यं द्विष्म इति त्रिर् अपरिषिञ्चन्प्रतिपर्येति
nidhāya kumbham aśmaṃste kṣud amuṃ te śug ṛcchatu yaṃ dviṣma iti trir apariṣiñcanpratiparyeti
- 6
यद्य् अभिचरेद् इदम् अहम् अमुष्यामुष्यायणस्यायुः प्रक्षिणोमीति दक्षिणस्याम् उत्तरस्यां वा स्रक्त्यां कुम्भं प्रक्षिणुयात्
yady abhicared idam aham amuṣyāmuṣyāyaṇasyāyuḥ prakṣiṇomīti dakṣiṇasyām uttarasyāṃ vā sraktyāṃ kumbhaṃ prakṣiṇuyāt
- 7
अवका वेतसशाखां मण्डूकं च दीर्घवंशे प्रबध्य समुद्रस्य त्वावकयेति सप्तभिर् अष्टाभिर्वाग्निं विकर्षति
avakā vetasaśākhāṃ maṇḍūkaṃ ca dīrghavaṃśe prabadhya samudrasya tvāvakayeti saptabhir aṣṭābhirvāgniṃ vikarṣati
- 8
विकर्षन्न् एवानुगमयित्वा मण्डूकस्य प्राणान्सर्वान्संलोभ्योत्कर उदस्यति
vikarṣann evānugamayitvā maṇḍūkasya prāṇānsarvānsaṃlobhyotkara udasyati
- 9
यं द्विष्यात्तम् एतैर् उपस्पृशेत्
yaṃ dviṣyāttam etair upaspṛśet
- 10
पृष्ठैर् उपतिष्ठते गायत्रेण पुरस्तात्बृहद्रथंतराभ्यां पक्षौ ऋतुस्थायज्ञायज्ञियेन पुच्छम्दक्षिणस्यां श्रोण्यां वारवन्तीयेन उत्तरस्यां वामदेव्येन
pṛṣṭhair upatiṣṭhate gāyatreṇa purastātbṛhadrathaṃtarābhyāṃ pakṣau ṛtusthāyajñāyajñiyena pucchamdakṣiṇasyāṃ śroṇyāṃ vāravantīyena uttarasyāṃ vāmadevyena
- 11
अपिपक्षे प्रजापतेः सामानृचं गायति
apipakṣe prajāpateḥ sāmānṛcaṃ gāyati
- 12
पिता मातरिश्वेति संचितोक्थ्येन होतानुशंसति
pitā mātariśveti saṃcitokthyena hotānuśaṃsati
- 13
होतर्य् अकामयमाने ऽध्वर्युः स्तुतशस्त्रयोर्दोहे यजमानं वाचयति
hotary akāmayamāne 'dhvaryuḥ stutaśastrayordohe yajamānaṃ vācayati
- 14
स्तुतस्य स्तुतम् असीत्य् अत्र प्रवर्ग्यम् उद्वासयति
stutasya stutam asīty atra pravargyam udvāsayati

