Apastamba Shrauta Sutra · Khanda 30 16.30.1
16.30.1गूर्दो ऽसि गूर्दाय त्वा गूर्देभ्यस्त्वा गूर्दे सीद
क्षत्रं पाहि क्षत्रं पिन्व क्षत्रं जिन्व क्षत्रं यच्छ क्षत्रं दृंह क्षत्रम् असि क्षत्राय त्वा क्षत्रेभ्यस्त्वा क्षत्रे सीद
विश्वेषु त्वा पार्थिवेषु सादयामि
विश्वेषु त्वान्तरिक्षेषु सादयामि
विश्वेषु त्वा दिव्येषु सादयामि
विश्वेषु त्वा देवेषु सादयामि
विश्वासु त्वाप्सु सादयामि
विश्वासु त्वौषधीषु सादयामि
विश्वेषु त्वा वनस्पतिषु सादयामि
विश्वासु त्वा दिक्षु सादयामि
दिवि सीद
स्वर्जिद् असि पृतनाजिद् असि भूरिजिद् अस्य् अभिजिद् असि विश्वजिद् असि सर्वजिद् असि सत्राजिद् असि धनजिद् असि भ्राड् असि विभ्राड् असि प्रभ्राड् असि
सपत्नहनं त्वा वज्रं सादयामि
अभिमातिहनं त्वा वज्रं सादयामि
अरातिहनं त्वा वज्रं सादयामि
यातुहनं त्वा वज्रं सादयामि
पिशाचहनं त्वा वज्रं सादयामि
रक्षोहणं त्वा वज्रं सादयामि
शत्रुहणम् अमित्रहणं भ्रातृव्यहणम् असुरहणं त्वेन्द्रं वज्रं सादयामि
उद्वद् अस्य् उदितिर् अस्य् उद्यत्य् अस्य् आक्रममाणास्य् आक्रामन्त्य् अस्य् आक्रान्तिर् असि संक्रममाणासि संक्रामन्त्य् असि संक्रान्तिर् असि स्वर्ग्यासि स्वर् असि
इषि सीदोर्जि सीद भगे सीद द्रविणे सीद सुभूते सीद पृथिव्या यज्ञिये सीद विष्णोः पृष्ठे सीदेडायाः पदे सीद घृतवति सीद पिन्वमाने सीद
Transliteration
gūrdo 'si gūrdāya tvā gūrdebhyastvā gūrde sīda
kṣatraṃ pāhi kṣatraṃ pinva kṣatraṃ jinva kṣatraṃ yaccha kṣatraṃ dṛṃha kṣatram asi kṣatrāya tvā kṣatrebhyastvā kṣatre sīda
viśveṣu tvā pārthiveṣu sādayāmi
viśveṣu tvāntarikṣeṣu sādayāmi
viśveṣu tvā divyeṣu sādayāmi
viśveṣu tvā deveṣu sādayāmi
viśvāsu tvāpsu sādayāmi
viśvāsu tvauṣadhīṣu sādayāmi
viśveṣu tvā vanaspatiṣu sādayāmi
viśvāsu tvā dikṣu sādayāmi
divi sīda
svarjid asi pṛtanājid asi bhūrijid asy abhijid asi viśvajid asi sarvajid asi satrājid asi dhanajid asi bhrāḍ asi vibhrāḍ asi prabhrāḍ asi
sapatnahanaṃ tvā vajraṃ sādayāmi
abhimātihanaṃ tvā vajraṃ sādayāmi
arātihanaṃ tvā vajraṃ sādayāmi
yātuhanaṃ tvā vajraṃ sādayāmi
piśācahanaṃ tvā vajraṃ sādayāmi
rakṣohaṇaṃ tvā vajraṃ sādayāmi
śatruhaṇam amitrahaṇaṃ bhrātṛvyahaṇam asurahaṇaṃ tvendraṃ vajraṃ sādayāmi
udvad asy uditir asy udyaty asy ākramamāṇāsy ākrāmanty asy ākrāntir asi saṃkramamāṇāsi saṃkrāmanty asi saṃkrāntir asi svargyāsi svar asi
iṣi sīdorji sīda bhage sīda draviṇe sīda subhūte sīda pṛthivyā yajñiye sīda viṣṇoḥ pṛṣṭhe sīdeḍāyāḥ pade sīda ghṛtavati sīda pinvamāne sīda
By System Admin
Translation
Draft in progress