Sanskrit

Aitareya Brahmana · Adhyaya 16 8.16.4

8.16.4

क्षत्रं वा एतद् ओषधीनां यद्व्रीहयो यद्व्रीहीणां तोक्म संभरन्ति क्षत्रम् एवास्मिंस्तद्दधाति साम्राज्यं वा एतद् ओषधीनां यन्महाव्रीहयो यन्महाव्रीहीणां तोक्म संभरन्ति साम्राज्यम् एवास्मिंस्तद्दधाति भौज्यं वा एतद् ओषधीनां यत्प्रियंगवो यत्प्रियंगूनां तोक्म संभरन्ति भौज्यम् एवास्मिंस्तद्दधाति सैनान्यं वा एतद् ओषधीनां यद्यवा यद्यवानां तोक्म संभरन्ति सैनान्यम् एवास्मिंस्तद्दधाति

Transliteration

kṣatraṃ vā etad oṣadhīnāṃ yadvrīhayo yadvrīhīṇāṃ tokma saṃbharanti kṣatram evāsmiṃstaddadhāti sāmrājyaṃ vā etad oṣadhīnāṃ yanmahāvrīhayo yanmahāvrīhīṇāṃ tokma saṃbharanti sāmrājyam evāsmiṃstaddadhāti bhaujyaṃ vā etad oṣadhīnāṃ yatpriyaṃgavo yatpriyaṃgūnāṃ tokma saṃbharanti bhaujyam evāsmiṃstaddadhāti sainānyaṃ vā etad oṣadhīnāṃ yadyavā yadyavānāṃ tokma saṃbharanti sainānyam evāsmiṃstaddadhāti

By System Admin

Translation

Draft in progress